פסוקים על Music

¶ הללו יה הללו את שם יהוה הללו עבדי יהוה׃

שעמדים בבית יהוה בחצרות בית אלהינו׃

הללו יה כי טוב יהוה זמרו לשמו כי נעים׃

¶ על נהרות בבל שם ישבנו גם בכינו בזכרנו את ציון׃

על ערבים בתוכה תלינו כנרותינו׃

כי שם שאלונו שובינו דברי שיר ותוללינו שמחה שירו לנו משיר ציון׃

איך נשיר את שיר יהוה על אדמת נכר׃

אם אשכחך ירושלם תשכח ימיני׃

תדבק לשוני לחכי אם לא אזכרכי אם לא אעלה את ירושלם על ראש שמחתי׃

אלהים שיר חדש אשירה לך בנבל עשור אזמרה לך׃

¶ הללו יה שירו ליהוה שיר חדש תהלתו בקהל חסידים׃

ישמח ישראל בעשיו בני ציון יגילו במלכם׃

יהללו שמו במחול בתף וכנור יזמרו לו׃

רוממות אל בגרונם וחרב פיפיות בידם׃

¶ הללו יה הללו אל בקדשו הללוהו ברקיע עזו׃

הללוהו בגבורתיו הללוהו כרב גדלו׃

הללוהו בתקע שופר הללוהו בנבל וכנור׃

הללוהו בתף ומחול הללוהו במנים ועוגב׃

הללוהו בצלצלי שמע הללוהו בצלצלי תרועה׃

כל הנשמה תהלל יה הללו יה׃

מעדה בגד ביום קרה חמץ על נתר ושר בשרים על לב רע׃

כנסתי לי גם כסף וזהב וסגלת מלכים והמדינות עשיתי לי שרים ושרות ותענוגת בני האדם שדה ושדות׃

וכל אשר שאלו עיני לא אצלתי מהם לא מנעתי את לבי מכל שמחה כי לבי שמח מכל עמלי וזה היה חלקי מכל עמלי׃

ופניתי אני בכל מעשי שעשו ידי ובעמל שעמלתי לעשות והנה הכל הבל ורעות רוח ואין יתרון תחת השמש׃

והיה כנור ונבל תף וחליל ויין משתיהם ואת פעל יהוה לא יביטו ומעשה ידיו לא ראו׃