פסוקים על Unbelief

ואחר אמר אשה לקחתי ובעבור זאת לא אוכל לבוא׃

ויבא העבד ויגד את הדברים האלה לאדניו ויקצף בעל הבית ויאמר לעבדו מהר צא אל רחבות העיר ואל הוצותיה והבא הנה את העניים ואת הנשברים ואת העורים ואת הפסחים׃

ויאמר העבד אדני כאשר צוית כן נעשה ויש עוד מקום׃

ויאמר האדון אל העבד צא אל הדרכים ואל הגדרות ופצר בהם לבוא למען ימלא ביתי׃

כי אני אמר לכם אין אחד מן האנשים הקרואים ההם אשר יטעם סעודתי׃

ויאמר אליו אם לא ישמעו אל משה ואל הנביאים גם כי יקום אחד מן המתים לא יאמינו׃

אני אמר לכם כי יעשה את דינם במהרה אך בן האדם בבאו הימצא אמונה בארץ׃

ויהי כאשר קרב וירא את העיר ויבך עליה לאמר׃

לו ידעת אף את בעוד יומך הזה את דבר שלומך ועתה נעלם מעיניך׃

ויאמר אליהם כי אגיד לכם לא תאמינו׃

ויהיו דבריהן כדברי ריק בעיניהם ולא האמינו להן׃

ואנחנו חכינו כי הוא העתיד לגאל את ישראל ועתה בכל זאת היום יום שלישי מאז נעשו אלה׃

ויאמר אליהם הוי חסרי דעת וכבדי לב מהאמין בכל אשר דברו הנביאים׃

הלא על המשיח היה לסבל את כל זאת ולבוא אל כבודו׃

עודם מדברים כדברים האלה והוא ישוע עמד בתוכם ויאמר אליהם שלום לכם׃

והמה חתו ונבעתו ויחשבו כי רוח ראו׃

ויאמר אליהם מה זה אתם נבהלים ועל מה זה מחשבות עלות בלבבכם׃

ראו את ידי ואת רגלי כי אנכי הוא משוני וראו כי רוח אין לו בשר ועצמות כאשר אתם ראים שיש לי׃

ואחרי אמרו את זאת הראה אתם את ידיו ואת רגליו׃

והם עוד לא האמינו משמחה ותמהו ויאמר אליהם היש לכם פה דבר אכל׃

ויתנו לפניו חלק דג צלוי ומעט צוף דבש׃

ויקח ויאכל לעיניהם׃

ויאמר אליהם אלה הם הדברים אשר דברתי אליכם בעוד היותי עמכם כי המלא ימלא כל הכתוב עלי בתורת משה ובנביאים ובתהלים׃

אז פתח את לבבם להבין את הכתובים׃

בעולם היה ועל ידו נהיה העולם והעולם לא הכירו׃