פסוקים על Unbelief

הוא בא אל אשר לו ואשר המה לו לא קבלהו׃

אל תתמה על אמרי לך כי עליכם להולד מלמעלה׃

אמן אמן אני אמר לך כי את אשר ידענו נדבר ואת אשר ראינו נעיד ואתם לא תקבלו עדותנו׃

אם אמרתי אליכם דברי הארץ ואינכם מאמינים איך תאמינו באמרי אליכם דברי השמים׃

המאמין בו לא ידון ואשר לא יאמין בו כבר נדון כי לא האמין בשם בן האלהים היחיד׃

ואת אשר ראה ושמע את זאת יעיד ואין מקבל עדותו׃

כל המאמין בבן יש לו חיי עולמים ואשר לא יאמין בבן לא יראה חיים כי אם חרון אלהים ישכן עליו׃

ויאמר אליו ישוע אם לא תראו אתות ומופתים לא תאמינו׃

ודברו איננו שכן בקרבכם כי אינכם מאמינים לשלוחו׃

ואתם אינכם אבים לבוא אלי להיות לכם חיים׃

אני הנה באתי בשם אבי ולא קבלתם אתו ואם יבא אחר בשם עצמו אתו תקבלו׃

איך תוכלו להאמין אתם הלקחים כבוד איש מרעהו ואת הכבוד אשר מאת האלהים היחיד לא תבקשו׃

כי לו האמנתם למשה גם לי תאמינו כי הוא כתב עלי׃

ואם לכתביו אינכם מאמינים איכה לדברי תאמינו׃

ואני הנה אמרתי לכם כי גם חזיתם אתי ולא תאמינו׃

ורבים מתלמידיו כשמעם אמרו קשה הדבר הזה מי יוכל לשמע אתו׃

ויבן ישוע בלבו כי תלמידיו מלינים על זאת ויאמר אליהם הזאת לכם למכשול׃

מה אפוא אם תראו את בן האדם עלה אל אשר היה שם לפנים׃

אך יש מכם אשר לא יאמינו כי ישוע ידע מראש מי הם אשר אינם מאמינים ומי המוסר אתו׃

מן העת הזאת רבים מתלמידיו נסגו אחור ולא יספו להתהלך אתו׃

ויען אתם ישוע הלא בחרתי אני בכם שנים העשר ואחד מכם שטן הוא׃

זאת אמר על יהודה בן שמעון איש קריות כי עתיד היה למסרו והוא אחד משנים העשר׃

כי אחיו גם הם לא האמינו בו׃

לכן אמרתי אליכם כי תמותו בחטאיכם כי אם לא תאמינו כי אני הוא בחטאיכם תמותו׃

ואני יען דברי האמת לא תאמינו לי׃