פסוקים על Unbelief: General references

¶ ויען משה ויאמר והן לא יאמינו לי ולא ישמעו בקלי כי יאמרו לא נראה אליך יהוה׃

ויאמר משה שש מאות אלף רגלי העם אשר אנכי בקרבו ואתה אמרת בשר אתן להם ואכלו חדש ימים׃

הצאן ובקר ישחט להם ומצא להם אם את כל דגי הים יאסף להם ומצא להם׃

ויאמר יהוה אל משה היד יהוה תקצר עתה תראה היקרך דברי אם לא׃

ויאמר יהוה אל משה ואל אהרן יען לא האמנתם בי להקדישני לעיני בני ישראל לכן לא תביאו את הקהל הזה אל הארץ אשר נתתי להם׃

המה מי מריבה אשר רבו בני ישראל את יהוה ויקדש בם׃

וידברו באלהים אמרו היוכל אל לערך שלחן במדבר׃

לכן שמע יהוה ויתעבר ואש נשקה ביעקב וגם אף עלה בישראל׃

כי לא האמינו באלהים ולא בטחו בישועתו׃

בכל זאת חטאו עוד ולא האמינו בנפלאותיו׃

אל תקשו לבבכם כמריבה כיום מסה במדבר׃

אשר נסוני אבותיכם בחנוני גם ראו פעלי׃

ארבעים שנה אקוט בדור ואמר עם תעי לבב הם והם לא ידעו דרכי׃

אשר נשבעתי באפי אם יבאון אל מנוחתי׃

אבותינו במצרים לא השכילו נפלאותיך לא זכרו את רב חסדיך וימרו על ים בים סוף׃

וימאסו בארץ חמדה לא האמינו לדברו׃

ויאמר לך ואמרת לעם הזה שמעו שמוע ואל תבינו וראו ראו ואל תדעו׃

השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב ורפא לו׃

וראש אפרים שמרון וראש שמרון בן רמליהו אם לא תאמינו כי לא תאמנו׃

¶ מי האמין לשמעתנו וזרוע יהוה על מי נגלתה׃

ויעל כיונק לפניו וכשרש מארץ ציה לא תאר לו ולא הדר ונראהו ולא מראה ונחמדהו׃

נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃

למה צמנו ולא ראית ענינו נפשנו ולא תדע הן ביום צמכם תמצאו חפץ וכל עצביכם תנגשו׃

כחשו ביהוה ויאמרו לא הוא ולא תבוא עלינו רעה וחרב ורעב לוא נראה׃

והנביאים יהיו לרוח והדבר אין בהם כה יעשה להם׃