פסוקים על Tyre

113 פסוקים · 47 היבטים

פסוקי מפתח

סינון לפי ספר
  1. יְחֶזְקֵאל כ״ז:ל׳

    והשמיעו עליך בקולם ויזעקו מרה ויעלו עפר על ראשיהם באפר יתפלשו׃

  2. יְחֶזְקֵאל כ״ז:ל״א

    והקריחו אליך קרחה וחגרו שקים ובכו אליך במר נפש מספד מר׃

  3. יְחֶזְקֵאל כ״ז:ל״ב

    ונשאו אליך בניהם קינה וקוננו עליך מי כצור כדמה בתוך הים׃

  4. יְחֶזְקֵאל כ״ז:ל״ג

    בצאת עזבוניך מימים השבעת עמים רבים ברב הוניך ומערביך העשרת מלכי ארץ׃

  5. יְחֶזְקֵאל כ״ז:ל״ד

    עת נשברת מימים במעמקי מים מערבך וכל קהלך בתוכך נפלו׃

  6. יְחֶזְקֵאל כ״ז:ל״ה

    כל ישבי האיים שממו עליך ומלכיהם שערו שער רעמו פנים׃

  7. יְחֶזְקֵאל כ״ז:ל״ו

    סחרים בעמים שרקו עליך בלהות היית ואינך עד עולם׃

  8. יְחֶזְקֵאל כ״ח:ב׳

    בן אדם אמר לנגיד צר כה אמר אדני יהוה יען גבה לבך ותאמר אל אני מושב אלהים ישבתי בלב ימים ואתה אדם ולא אל ותתן לבך כלב אלהים׃

  9. יְחֶזְקֵאל כ״ח:ג׳

    הנה חכם אתה מדנאל כל סתום לא עממוך׃

  10. יְחֶזְקֵאל כ״ח:ד׳

    בחכמתך ובתבונתך עשית לך חיל ותעש זהב וכסף באוצרותיך׃

  11. יְחֶזְקֵאל כ״ח:ה׳

    ברב חכמתך ברכלתך הרבית חילך ויגבה לבבך בחילך׃

  12. יְחֶזְקֵאל כ״ח:ו׳

    לכן כה אמר אדני יהוה יען תתך את לבבך כלב אלהים׃

  13. יְחֶזְקֵאל כ״ח:ז׳

    לכן הנני מביא עליך זרים עריצי גוים והריקו חרבותם על יפי חכמתך וחללו יפעתך׃

  14. יְחֶזְקֵאל כ״ח:ח׳

    לשחת יורדוך ומתה ממותי חלל בלב ימים׃

  15. יְחֶזְקֵאל כ״ח:י״ז

    גבה לבך ביפיך שחת חכמתך על יפעתך על ארץ השלכתיך לפני מלכים נתתיך לראוה בך׃

  16. יְחֶזְקֵאל כ״ח:י״ח

    מרב עוניך בעול רכלתך חללת מקדשיך ואוצא אש מתוכך היא אכלתך ואתנך לאפר על הארץ לעיני כל ראיך׃

  17. יְחֶזְקֵאל כ״ט:י״ח

    בן אדם נבוכדראצר מלך בבל העביד את חילו עבדה גדלה אל צר כל ראש מקרח וכל כתף מרוטה ושכר לא היה לו ולחילו מצר על העבדה אשר עבד עליה׃

  18. יְחֶזְקֵאל כ״ט:י״ט

    לכן כה אמר אדני יהוה הנני נתן לנבוכדראצר מלך בבל את ארץ מצרים ונשא המנה ושלל שללה ובזז בזה והיתה שכר לחילו׃

  19. יְחֶזְקֵאל כ״ט:כ׳

    פעלתו אשר עבד בה נתתי לו את ארץ מצרים אשר עשו לי נאם אדני יהוה׃

  20. יוֹאֵל ג׳:ד׳

    וגם מה אתם לי צר וצידון וכל גלילות פלשת הגמול אתם משלמים עלי ואם גמלים אתם עלי קל מהרה אשיב גמלכם בראשכם׃

  21. יוֹאֵל ג׳:ה׳

    אשר כספי וזהבי לקחתם ומחמדי הטבים הבאתם להיכליכם׃

  22. יוֹאֵל ג׳:ו׳

    ובני יהודה ובני ירושלם מכרתם לבני היונים למען הרחיקם מעל גבולם׃

  23. יוֹאֵל ג׳:ז׳

    הנני מעירם מן המקום אשר מכרתם אתם שמה והשבתי גמלכם בראשכם׃

  24. יוֹאֵל ג׳:ח׳

    ומכרתי את בניכם ואת בנותיכם ביד בני יהודה ומכרום לשבאים אל גוי רחוק כי יהוה דבר׃

  25. עָמוֹס א׳:ט׳

    כה אמר יהוה על שלשה פשעי צר ועל ארבעה לא אשיבנו על הסגירם גלות שלמה לאדום ולא זכרו ברית אחים׃