פסוקים על Tyre: All nations to be terrified at its destruction

13 פסוקים · 47 היבטים

פסוקים על All nations to be terrified at its destruction

  1. יְחֶזְקֵאל כ״ו:ט״ו

    כה אמר אדני יהוה לצור הלא מקול מפלתך באנק חלל בהרג הרג בתוכך ירעשו האיים׃

  2. יְחֶזְקֵאל כ״ו:ט״ז

    וירדו מעל כסאותם כל נשיאי הים והסירו את מעיליהם ואת בגדי רקמתם יפשטו חרדות ילבשו על הארץ ישבו וחרדו לרגעים ושממו עליך׃

  3. יְחֶזְקֵאל כ״ו:י״ז

    ונשאו עליך קינה ואמרו לך איך אבדת נושבת מימים העיר ההללה אשר היתה חזקה בים היא וישביה אשר נתנו חתיתם לכל יושביה׃

  4. יְחֶזְקֵאל כ״ו:י״ח

    עתה יחרדו האין יום מפלתך ונבהלו האיים אשר בים מצאתך׃

  5. יְחֶזְקֵאל כ״ז:כ״ט

    וירדו מאניותיהם כל תפשי משוט מלחים כל חבלי הים אל הארץ יעמדו׃

  6. יְחֶזְקֵאל כ״ז:ל׳

    והשמיעו עליך בקולם ויזעקו מרה ויעלו עפר על ראשיהם באפר יתפלשו׃

  7. יְחֶזְקֵאל כ״ז:ל״א

    והקריחו אליך קרחה וחגרו שקים ובכו אליך במר נפש מספד מר׃

  8. יְחֶזְקֵאל כ״ז:ל״ב

    ונשאו אליך בניהם קינה וקוננו עליך מי כצור כדמה בתוך הים׃

  9. יְחֶזְקֵאל כ״ז:ל״ג

    בצאת עזבוניך מימים השבעת עמים רבים ברב הוניך ומערביך העשרת מלכי ארץ׃

  10. יְחֶזְקֵאל כ״ז:ל״ד

    עת נשברת מימים במעמקי מים מערבך וכל קהלך בתוכך נפלו׃

  11. יְחֶזְקֵאל כ״ז:ל״ה

    כל ישבי האיים שממו עליך ומלכיהם שערו שער רעמו פנים׃

  12. יְחֶזְקֵאל כ״ז:ל״ו

    סחרים בעמים שרקו עליך בלהות היית ואינך עד עולם׃

  13. זְכַרְיָה ט׳:ה׳

    תרא אשקלון ותירא ועזה ותחיל מאד ועקרון כי הביש מבטה ואבד מלך מעזה ואשקלון לא תשב׃