פסוקים על Tyre

113 פסוקים · 47 היבטים

פסוקי מפתח

יְשַׁעְיָהוּ כ״ג:י״ג
הן ארץ כשדים זה העם לא היה אשור יסדה לציים הקימו בחיניו עררו ארמנותיה שמה למפלה׃
יְשַׁעְיָהוּ כ״ג:י״ד
הילילו אניות תרשיש כי שדד מעזכן׃
יְשַׁעְיָהוּ כ״ג:ט״ו
והיה ביום ההוא ונשכחת צר שבעים שנה כימי מלך אחד מקץ שבעים שנה יהיה לצר כשירת הזונה׃
יְשַׁעְיָהוּ כ״ג:ט״ז
קחי כנור סבי עיר זונה נשכחה היטיבי נגן הרבי שיר למען תזכרי׃
יְשַׁעְיָהוּ כ״ג:י״ז
והיה מקץ שבעים שנה יפקד יהוה את צר ושבה לאתננה וזנתה את כל ממלכות הארץ על פני האדמה׃
יְשַׁעְיָהוּ כ״ג:י״ח
והיה סחרה ואתננה קדש ליהוה לא יאצר ולא יחסן כי לישבים לפני יהוה יהיה סחרה לאכל לשבעה ולמכסה עתיק׃
יִרְמְיָהוּ כ״ה:כ״ב
ואת כל מלכי צר ואת כל מלכי צידון ואת מלכי האי אשר בעבר הים׃
יִרְמְיָהוּ כ״ז:ב׳
כה אמר יהוה אלי עשה לך מוסרות ומטות ונתתם על צוארך׃
יִרְמְיָהוּ כ״ז:ג׳
ושלחתם אל מלך אדום ואל מלך מואב ואל מלך בני עמון ואל מלך צר ואל מלך צידון ביד מלאכים הבאים ירושלם אל צדקיהו מלך יהודה׃
יִרְמְיָהוּ כ״ז:ו׳
ועתה אנכי נתתי את כל הארצות האלה ביד נבוכדנאצר מלך בבל עבדי וגם את חית השדה נתתי לו לעבדו׃
יִרְמְיָהוּ כ״ז:ט׳
ואתם אל תשמעו אל נביאיכם ואל קסמיכם ואל חלמתיכם ואל ענניכם ואל כשפיכם אשר הם אמרים אליכם לאמר לא תעבדו את מלך בבל׃
יְחֶזְקֵאל כ״ו:ב׳
בן אדם יען אשר אמרה צר על ירושלם האח נשברה דלתות העמים נסבה אלי אמלאה החרבה׃
יְחֶזְקֵאל כ״ו:ג׳
לכן כה אמר אדני יהוה הנני עליך צר והעליתי עליך גוים רבים כהעלות הים לגליו׃
יְחֶזְקֵאל כ״ו:ד׳
ושחתו חמות צר והרסו מגדליה וסחיתי עפרה ממנה ונתתי אותה לצחיח סלע׃
יְחֶזְקֵאל כ״ו:ה׳
משטח חרמים תהיה בתוך הים כי אני דברתי נאם אדני יהוה והיתה לבז לגוים׃
יְחֶזְקֵאל כ״ו:ז׳
כי כה אמר אדני יהוה הנני מביא אל צר נבוכדראצר מלך בבל מצפון מלך מלכים בסוס וברכב ובפרשים וקהל ועם רב׃
יְחֶזְקֵאל כ״ו:ח׳
בנותיך בשדה בחרב יהרג ונתן עליך דיק ושפך עליך סללה והקים עליך צנה׃
יְחֶזְקֵאל כ״ו:ט׳
ומחי קבלו יתן בחמותיך ומגדלתיך יתץ בחרבותיו׃
יְחֶזְקֵאל כ״ו:י׳
משפעת סוסיו יכסך אבקם מקול פרש וגלגל ורכב תרעשנה חומותיך בבאו בשעריך כמבואי עיר מבקעה׃
יְחֶזְקֵאל כ״ו:י״א
בפרסות סוסיו ירמס את כל חוצותיך עמך בחרב יהרג ומצבות עזך לארץ תרד׃
יְחֶזְקֵאל כ״ו:י״ב
ושללו חילך ובזזו רכלתך והרסו חומותיך ובתי חמדתך יתצו ואבניך ועציך ועפרך בתוך מים ישימו׃
יְחֶזְקֵאל כ״ו:י״ג
והשבתי המון שיריך וקול כנוריך לא ישמע עוד׃
יְחֶזְקֵאל כ״ו:י״ד
ונתתיך לצחיח סלע משטח חרמים תהיה לא תבנה עוד כי אני יהוה דברתי נאם אדני יהוה׃
יְחֶזְקֵאל כ״ו:ט״ו
כה אמר אדני יהוה לצור הלא מקול מפלתך באנק חלל בהרג הרג בתוכך ירעשו האיים׃
יְחֶזְקֵאל כ״ו:ט״ז
וירדו מעל כסאותם כל נשיאי הים והסירו את מעיליהם ואת בגדי רקמתם יפשטו חרדות ילבשו על הארץ ישבו וחרדו לרגעים ושממו עליך׃

מציג 26–50 מתוך 113 פסוקים

הקודם 1 2 3 4 5 הבא