פסוקים על Select Readings

802 פסוקים · 47 היבטים

פסוקי מפתח

סינון לפי ספר
  1. 2 שְׁמוּאֵל י״ח:כ׳

    ויאמר לו יואב לא איש בשרה אתה היום הזה ובשרת ביום אחר והיום הזה לא תבשר כי על בן המלך מת׃

  2. 2 שְׁמוּאֵל י״ח:כ״א

    ויאמר יואב לכושי לך הגד למלך אשר ראיתה וישתחו כושי ליואב וירץ׃

  3. 2 שְׁמוּאֵל י״ח:כ״ב

    ויסף עוד אחימעץ בן צדוק ויאמר אל יואב ויהי מה ארצה נא גם אני אחרי הכושי ויאמר יואב למה זה אתה רץ בני ולכה אין בשורה מצאת׃

  4. 2 שְׁמוּאֵל י״ח:כ״ג

    ויהי מה ארוץ ויאמר לו רוץ וירץ אחימעץ דרך הככר ויעבר את הכושי׃

  5. 2 שְׁמוּאֵל י״ח:כ״ד

    ודוד יושב בין שני השערים וילך הצפה אל גג השער אל החומה וישא את עיניו וירא והנה איש רץ לבדו׃

  6. 2 שְׁמוּאֵל י״ח:כ״ה

    ויקרא הצפה ויגד למלך ויאמר המלך אם לבדו בשורה בפיו וילך הלוך וקרב׃

  7. 2 שְׁמוּאֵל י״ח:כ״ו

    וירא הצפה איש אחר רץ ויקרא הצפה אל השער ויאמר הנה איש רץ לבדו ויאמר המלך גם זה מבשר׃

  8. 2 שְׁמוּאֵל י״ח:כ״ז

    ויאמר הצפה אני ראה את מרוצת הראשון כמרצת אחימעץ בן צדוק ויאמר המלך איש טוב זה ואל בשורה טובה יבוא׃

  9. 2 שְׁמוּאֵל י״ח:כ״ח

    ויקרא אחימעץ ויאמר אל המלך שלום וישתחו למלך לאפיו ארצה ויאמר ברוך יהוה אלהיך אשר סגר את האנשים אשר נשאו את ידם באדני המלך׃

  10. 2 שְׁמוּאֵל י״ח:כ״ט

    ויאמר המלך שלום לנער לאבשלום ויאמר אחימעץ ראיתי ההמון הגדול לשלח את עבד המלך יואב ואת עבדך ולא ידעתי מה׃

  11. 2 שְׁמוּאֵל י״ח:ל׳

    ויאמר המלך סב התיצב כה ויסב ויעמד׃

  12. 2 שְׁמוּאֵל י״ח:ל״א

    והנה הכושי בא ויאמר הכושי יתבשר אדני המלך כי שפטך יהוה היום מיד כל הקמים עליך׃

  13. 2 שְׁמוּאֵל י״ח:ל״ב

    ויאמר המלך אל הכושי השלום לנער לאבשלום ויאמר הכושי יהיו כנער איבי אדני המלך וכל אשר קמו עליך לרעה׃

  14. 2 שְׁמוּאֵל י״ח:ל״ג

    וירגז המלך ויעל על עלית השער ויבך וכה אמר בלכתו בני אבשלום בני בני אבשלום מי יתן מותי אני תחתיך אבשלום בני בני׃

  15. 1 מְלָכִים י״ז:א׳

    ¶ ויאמר אליהו התשבי מתשבי גלעד אל אחאב חי יהוה אלהי ישראל אשר עמדתי לפניו אם יהיה השנים האלה טל ומטר כי אם לפי דברי׃

  16. 1 מְלָכִים י״ז:ב׳

    ויהי דבר יהוה אליו לאמר׃

  17. 1 מְלָכִים י״ז:ג׳

    לך מזה ופנית לך קדמה ונסתרת בנחל כרית אשר על פני הירדן׃

  18. 1 מְלָכִים י״ז:ד׳

    והיה מהנחל תשתה ואת הערבים צויתי לכלכלך שם׃

  19. 1 מְלָכִים י״ז:ה׳

    וילך ויעש כדבר יהוה וילך וישב בנחל כרית אשר על פני הירדן׃

  20. 1 מְלָכִים י״ז:ו׳

    והערבים מביאים לו לחם ובשר בבקר ולחם ובשר בערב ומן הנחל ישתה׃

  21. 1 מְלָכִים י״ז:ז׳

    ויהי מקץ ימים וייבש הנחל כי לא היה גשם בארץ׃

  22. 1 מְלָכִים י״ז:ח׳

    ויהי דבר יהוה אליו לאמר׃

  23. 1 מְלָכִים י״ז:ט׳

    קום לך צרפתה אשר לצידון וישבת שם הנה צויתי שם אשה אלמנה לכלכלך׃

  24. 1 מְלָכִים י״ז:י׳

    ויקם וילך צרפתה ויבא אל פתח העיר והנה שם אשה אלמנה מקששת עצים ויקרא אליה ויאמר קחי נא לי מעט מים בכלי ואשתה׃

  25. 1 מְלָכִים י״ז:י״א

    ותלך לקחת ויקרא אליה ויאמר לקחי נא לי פת לחם בידך׃