פסוקים על Select Readings

802 פסוקים · 47 היבטים

פסוקי מפתח

סינון לפי ספר
  1. שְׁמֹות י״ד:כ״ג

    וירדפו מצרים ויבאו אחריהם כל סוס פרעה רכבו ופרשיו אל תוך הים׃

  2. שְׁמֹות י״ד:כ״ד

    ויהי באשמרת הבקר וישקף יהוה אל מחנה מצרים בעמוד אש וענן ויהם את מחנה מצרים׃

  3. שְׁמֹות י״ד:כ״ה

    ויסר את אפן מרכבתיו וינהגהו בכבדת ויאמר מצרים אנוסה מפני ישראל כי יהוה נלחם להם במצרים׃

  4. שְׁמֹות י״ד:כ״ו

    ויאמר יהוה אל משה נטה את ידך על הים וישבו המים על מצרים על רכבו ועל פרשיו׃

  5. שְׁמֹות י״ד:כ״ז

    ויט משה את ידו על הים וישב הים לפנות בקר לאיתנו ומצרים נסים לקראתו וינער יהוה את מצרים בתוך הים׃

  6. שְׁמֹות י״ד:כ״ח

    וישבו המים ויכסו את הרכב ואת הפרשים לכל חיל פרעה הבאים אחריהם בים לא נשאר בהם עד אחד׃

  7. שְׁמֹות י״ד:כ״ט

    ובני ישראל הלכו ביבשה בתוך הים והמים להם חמה מימינם ומשמאלם׃

  8. שְׁמֹות י״ד:ל׳

    ויושע יהוה ביום ההוא את ישראל מיד מצרים וירא ישראל את מצרים מת על שפת הים׃

  9. שְׁמֹות ט״ו:א׳

    ¶ אז ישיר משה ובני ישראל את השירה הזאת ליהוה ויאמרו לאמר אשירה ליהוה כי גאה גאה סוס ורכבו רמה בים׃

  10. שְׁמֹות ט״ו:ב׳

    עזי וזמרת יה ויהי לי לישועה זה אלי ואנוהו אלהי אבי וארממנהו׃

  11. שְׁמֹות ט״ו:ג׳

    יהוה איש מלחמה יהוה שמו׃

  12. שְׁמֹות ט״ו:ד׳

    מרכבת פרעה וחילו ירה בים ומבחר שלשיו טבעו בים סוף׃

  13. שְׁמֹות ט״ו:ה׳

    תהמת יכסימו ירדו במצולת כמו אבן׃

  14. שְׁמֹות ט״ו:ו׳

    ימינך יהוה נאדרי בכח ימינך יהוה תרעץ אויב׃

  15. שְׁמֹות ט״ו:ז׳

    וברב גאונך תהרס קמיך תשלח חרנך יאכלמו כקש׃

  16. שְׁמֹות ט״ו:ח׳

    וברוח אפיך נערמו מים נצבו כמו נד נזלים קפאו תהמת בלב ים׃

  17. שְׁמֹות ט״ו:ט׳

    אמר אויב ארדף אשיג אחלק שלל תמלאמו נפשי אריק חרבי תורישמו ידי׃

  18. שְׁמֹות ט״ו:י׳

    נשפת ברוחך כסמו ים צללו כעופרת במים אדירים׃

  19. שְׁמֹות ט״ו:י״א

    מי כמכה באלם יהוה מי כמכה נאדר בקדש נורא תהלת עשה פלא׃

  20. שְׁמֹות ט״ו:י״ב

    נטית ימינך תבלעמו ארץ׃

  21. שְׁמֹות ט״ו:י״ג

    נחית בחסדך עם זו גאלת נהלת בעזך אל נוה קדשך׃

  22. שְׁמֹות ט״ו:י״ד

    שמעו עמים ירגזון חיל אחז ישבי פלשת׃

  23. שְׁמֹות ט״ו:ט״ו

    אז נבהלו אלופי אדום אילי מואב יאחזמו רעד נמגו כל ישבי כנען׃

  24. שְׁמֹות ט״ו:ט״ז

    תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃

  25. שְׁמֹות ט״ו:י״ז

    תבאמו ותטעמו בהר נחלתך מכון לשבתך פעלת יהוה מקדש אדני כוננו ידיך׃