פסוקים על Samson

59 פסוקים · 12 היבטים

פסוקי מפתח

סינון לפי ספר
  1. שֹׁפְטִים י״ג:ב׳

    ויהי איש אחד מצרעה ממשפחת הדני ושמו מנוח ואשתו עקרה ולא ילדה׃

  2. שֹׁפְטִים י״ג:ג׳

    וירא מלאך יהוה אל האשה ויאמר אליה הנה נא את עקרה ולא ילדת והרית וילדת בן׃

  3. שֹׁפְטִים י״ג:ד׳

    ועתה השמרי נא ואל תשתי יין ושכר ואל תאכלי כל טמא׃

  4. שֹׁפְטִים י״ג:ה׳

    כי הנך הרה וילדת בן ומורה לא יעלה על ראשו כי נזיר אלהים יהיה הנער מן הבטן והוא יחל להושיע את ישראל מיד פלשתים׃

  5. שֹׁפְטִים י״ג:ו׳

    ותבא האשה ותאמר לאישה לאמר איש האלהים בא אלי ומראהו כמראה מלאך האלהים נורא מאד ולא שאלתיהו אי מזה הוא ואת שמו לא הגיד לי׃

  6. שֹׁפְטִים י״ג:ז׳

    ויאמר לי הנך הרה וילדת בן ועתה אל תשתי יין ושכר ואל תאכלי כל טמאה כי נזיר אלהים יהיה הנער מן הבטן עד יום מותו׃

  7. שֹׁפְטִים י״ג:כ״ד

    ותלד האשה בן ותקרא את שמו שמשון ויגדל הנער ויברכהו יהוה׃

  8. שֹׁפְטִים י״ג:כ״ה

    ותחל רוח יהוה לפעמו במחנה דן בין צרעה ובין אשתאל׃

  9. שֹׁפְטִים י״ד:א׳

    ¶ וירד שמשון תמנתה וירא אשה בתמנתה מבנות פלשתים׃

  10. שֹׁפְטִים י״ד:ב׳

    ויעל ויגד לאביו ולאמו ויאמר אשה ראיתי בתמנתה מבנות פלשתים ועתה קחו אותה לי לאשה׃

  11. שֹׁפְטִים י״ד:ג׳

    ויאמר לו אביו ואמו האין בבנות אחיך ובכל עמי אשה כי אתה הולך לקחת אשה מפלשתים הערלים ויאמר שמשון אל אביו אותה קח לי כי היא ישרה בעיני׃

  12. שֹׁפְטִים י״ד:ד׳

    ואביו ואמו לא ידעו כי מיהוה היא כי תאנה הוא מבקש מפלשתים ובעת ההיא פלשתים משלים בישראל׃

  13. שֹׁפְטִים י״ד:ה׳

    וירד שמשון ואביו ואמו תמנתה ויבאו עד כרמי תמנתה והנה כפיר אריות שאג לקראתו׃

  14. שֹׁפְטִים י״ד:ו׳

    ותצלח עליו רוח יהוה וישסעהו כשסע הגדי ומאומה אין בידו ולא הגיד לאביו ולאמו את אשר עשה׃

  15. שֹׁפְטִים י״ד:ז׳

    וירד וידבר לאשה ותישר בעיני שמשון׃

  16. שֹׁפְטִים י״ד:ח׳

    וישב מימים לקחתה ויסר לראות את מפלת האריה והנה עדת דבורים בגוית האריה ודבש׃

  17. שֹׁפְטִים י״ד:ט׳

    וירדהו אל כפיו וילך הלוך ואכל וילך אל אביו ואל אמו ויתן להם ויאכלו ולא הגיד להם כי מגוית האריה רדה הדבש׃

  18. שֹׁפְטִים י״ד:י׳

    וירד אביהו אל האשה ויעש שם שמשון משתה כי כן יעשו הבחורים׃

  19. שֹׁפְטִים י״ד:י״א

    ויהי כראותם אותו ויקחו שלשים מרעים ויהיו אתו׃

  20. שֹׁפְטִים י״ד:י״ב

    ויאמר להם שמשון אחודה נא לכם חידה אם הגד תגידו אותה לי שבעת ימי המשתה ומצאתם ונתתי לכם שלשים סדינים ושלשים חלפת בגדים׃

  21. שֹׁפְטִים י״ד:י״ג

    ואם לא תוכלו להגיד לי ונתתם אתם לי שלשים סדינים ושלשים חליפות בגדים ויאמרו לו חודה חידתך ונשמענה׃

  22. שֹׁפְטִים י״ד:י״ד

    ויאמר להם מהאכל יצא מאכל ומעז יצא מתוק ולא יכלו להגיד החידה שלשת ימים׃

  23. שֹׁפְטִים י״ד:ט״ו

    ויהי ביום השביעי ויאמרו לאשת שמשון פתי את אישך ויגד לנו את החידה פן נשרף אותך ואת בית אביך באש הלירשנו קראתם לנו הלא׃

  24. שֹׁפְטִים י״ד:ט״ז

    ותבך אשת שמשון עליו ותאמר רק שנאתני ולא אהבתני החידה חדת לבני עמי ולי לא הגדתה ויאמר לה הנה לאבי ולאמי לא הגדתי ולך אגיד׃

  25. שֹׁפְטִים י״ד:י״ז

    ותבך עליו שבעת הימים אשר היה להם המשתה ויהי ביום השביעי ויגד לה כי הציקתהו ותגד החידה לבני עמה׃