Manoah

14 פסוקים · 1 בן משפחה

פסוקים המזכירים את Manoah

  1. שֹׁפְטִים י״ג:ב׳

    ויהי איש אחד מצרעה ממשפחת הדני ושמו מנוח ואשתו עקרה ולא ילדה׃

  2. שֹׁפְטִים י״ג:ח׳

    ויעתר מנוח אל יהוה ויאמר בי אדוני איש האלהים אשר שלחת יבוא נא עוד אלינו ויורנו מה נעשה לנער היולד׃

  3. שֹׁפְטִים י״ג:ט׳

    וישמע האלהים בקול מנוח ויבא מלאך האלהים עוד אל האשה והיא יושבת בשדה ומנוח אישה אין עמה׃

  4. שֹׁפְטִים י״ג:י״א

    ויקם וילך מנוח אחרי אשתו ויבא אל האיש ויאמר לו האתה האיש אשר דברת אל האשה ויאמר אני׃

  5. שֹׁפְטִים י״ג:י״ב

    ויאמר מנוח עתה יבא דבריך מה יהיה משפט הנער ומעשהו׃

  6. שֹׁפְטִים י״ג:י״ג

    ויאמר מלאך יהוה אל מנוח מכל אשר אמרתי אל האשה תשמר׃

  7. שֹׁפְטִים י״ג:ט״ו

    ויאמר מנוח אל מלאך יהוה נעצרה נא אותך ונעשה לפניך גדי עזים׃

  8. שֹׁפְטִים י״ג:ט״ז

    ויאמר מלאך יהוה אל מנוח אם תעצרני לא אכל בלחמך ואם תעשה עלה ליהוה תעלנה כי לא ידע מנוח כי מלאך יהוה הוא׃

  9. שֹׁפְטִים י״ג:י״ז

    ויאמר מנוח אל מלאך יהוה מי שמך כי יבא דבריך וכבדנוך׃

  10. שֹׁפְטִים י״ג:י״ט

    ויקח מנוח את גדי העזים ואת המנחה ויעל על הצור ליהוה ומפלא לעשות ומנוח ואשתו ראים׃

  11. שֹׁפְטִים י״ג:כ׳

    ויהי בעלות הלהב מעל המזבח השמימה ויעל מלאך יהוה בלהב המזבח ומנוח ואשתו ראים ויפלו על פניהם ארצה׃

  12. שֹׁפְטִים י״ג:כ״א

    ולא יסף עוד מלאך יהוה להראה אל מנוח ואל אשתו אז ידע מנוח כי מלאך יהוה הוא׃

  13. שֹׁפְטִים י״ג:כ״ב

    ויאמר מנוח אל אשתו מות נמות כי אלהים ראינו׃

  14. שֹׁפְטִים ט״ז:ל״א

    וירדו אחיו וכל בית אביהו וישאו אתו ויעלו ויקברו אותו בין צרעה ובין אשתאל בקבר מנוח אביו והוא שפט את ישראל עשרים שנה׃