פסוקים על Samson

59 פסוקים · 12 היבטים

פסוקי מפתח

סינון לפי ספר
  1. שֹׁפְטִים י״ד:י״ח

    ויאמרו לו אנשי העיר ביום השביעי בטרם יבא החרסה מה מתוק מדבש ומה עז מארי ויאמר להם לולא חרשתם בעגלתי לא מצאתם חידתי׃

  2. שֹׁפְטִים י״ד:י״ט

    ותצלח עליו רוח יהוה וירד אשקלון ויך מהם שלשים איש ויקח את חליצותם ויתן החליפות למגידי החידה ויחר אפו ויעל בית אביהו׃

  3. שֹׁפְטִים י״ד:כ׳

    ותהי אשת שמשון למרעהו אשר רעה לו׃

  4. שֹׁפְטִים ט״ו:א׳

    ¶ ויהי מימים בימי קציר חטים ויפקד שמשון את אשתו בגדי עזים ויאמר אבאה אל אשתי החדרה ולא נתנו אביה לבוא׃

  5. שֹׁפְטִים ט״ו:ב׳

    ויאמר אביה אמר אמרתי כי שנא שנאתה ואתננה למרעך הלא אחתה הקטנה טובה ממנה תהי נא לך תחתיה׃

  6. שֹׁפְטִים ט״ו:ג׳

    ויאמר להם שמשון נקיתי הפעם מפלשתים כי עשה אני עמם רעה׃

  7. שֹׁפְטִים ט״ו:ד׳

    וילך שמשון וילכד שלש מאות שועלים ויקח לפדים ויפן זנב אל זנב וישם לפיד אחד בין שני הזנבות בתוך׃

  8. שֹׁפְטִים ט״ו:ה׳

    ויבער אש בלפידים וישלח בקמות פלשתים ויבער מגדיש ועד קמה ועד כרם זית׃

  9. שֹׁפְטִים ט״ו:ו׳

    ויאמרו פלשתים מי עשה זאת ויאמרו שמשון חתן התמני כי לקח את אשתו ויתנה למרעהו ויעלו פלשתים וישרפו אותה ואת אביה באש׃

  10. שֹׁפְטִים ט״ו:ז׳

    ויאמר להם שמשון אם תעשון כזאת כי אם נקמתי בכם ואחר אחדל׃

  11. שֹׁפְטִים ט״ו:ח׳

    ויך אותם שוק על ירך מכה גדולה וירד וישב בסעיף סלע עיטם׃

  12. שֹׁפְטִים ט״ו:ט׳

    ויעלו פלשתים ויחנו ביהודה וינטשו בלחי׃

  13. שֹׁפְטִים ט״ו:י׳

    ויאמרו איש יהודה למה עליתם עלינו ויאמרו לאסור את שמשון עלינו לעשות לו כאשר עשה לנו׃

  14. שֹׁפְטִים ט״ו:י״א

    וירדו שלשת אלפים איש מיהודה אל סעיף סלע עיטם ויאמרו לשמשון הלא ידעת כי משלים בנו פלשתים ומה זאת עשית לנו ויאמר להם כאשר עשו לי כן עשיתי להם׃

  15. שֹׁפְטִים ט״ו:י״ב

    ויאמרו לו לאסרך ירדנו לתתך ביד פלשתים ויאמר להם שמשון השבעו לי פן תפגעון בי אתם׃

  16. שֹׁפְטִים ט״ו:י״ג

    ויאמרו לו לאמר לא כי אסר נאסרך ונתנוך בידם והמת לא נמיתך ויאסרהו בשנים עבתים חדשים ויעלוהו מן הסלע׃

  17. שֹׁפְטִים ט״ו:י״ד

    הוא בא עד לחי ופלשתים הריעו לקראתו ותצלח עליו רוח יהוה ותהיינה העבתים אשר על זרועותיו כפשתים אשר בערו באש וימסו אסוריו מעל ידיו׃

  18. שֹׁפְטִים ט״ו:ט״ו

    וימצא לחי חמור טריה וישלח ידו ויקחה ויך בה אלף איש׃

  19. שֹׁפְטִים ט״ו:ט״ז

    ויאמר שמשון בלחי החמור חמור חמרתים בלחי החמור הכיתי אלף איש׃

  20. שֹׁפְטִים ט״ו:י״ז

    ויהי ככלתו לדבר וישלך הלחי מידו ויקרא למקום ההוא רמת לחי׃

  21. שֹׁפְטִים ט״ו:י״ח

    ויצמא מאד ויקרא אל יהוה ויאמר אתה נתת ביד עבדך את התשועה הגדלה הזאת ועתה אמות בצמא ונפלתי ביד הערלים׃

  22. שֹׁפְטִים ט״ו:י״ט

    ויבקע אלהים את המכתש אשר בלחי ויצאו ממנו מים וישת ותשב רוחו ויחי על כן קרא שמה עין הקורא אשר בלחי עד היום הזה׃

  23. שֹׁפְטִים ט״ז:כ״א

    ויאחזוהו פלשתים וינקרו את עיניו ויורידו אותו עזתה ויאסרוהו בנחשתים ויהי טוחן בבית האסירים׃

  24. שֹׁפְטִים ט״ז:כ״ב

    ויחל שער ראשו לצמח כאשר גלח׃

  25. שֹׁפְטִים ט״ז:כ״ג

    וסרני פלשתים נאספו לזבח זבח גדול לדגון אלהיהם ולשמחה ויאמרו נתן אלהינו בידנו את שמשון אויבינו׃