פסוקים על Rehoboam

87 פסוקים · 7 היבטים

פסוקי מפתח

סינון לפי ספר
  1. 2 דִּבְרֵי הַיָּמִים י״א:א׳

    ¶ ויבא רחבעם ירושלם ויקהל את בית יהודה ובנימן מאה ושמונים אלף בחור עשה מלחמה להלחם עם ישראל להשיב את הממלכה לרחבעם׃

  2. 2 דִּבְרֵי הַיָּמִים י״א:ב׳

    ויהי דבר יהוה אל שמעיהו איש האלהים לאמר׃

  3. 2 דִּבְרֵי הַיָּמִים י״א:ג׳

    אמר אל רחבעם בן שלמה מלך יהודה ואל כל ישראל ביהודה ובנימן לאמר׃

  4. 2 דִּבְרֵי הַיָּמִים י״א:ד׳

    כה אמר יהוה לא תעלו ולא תלחמו עם אחיכם שובו איש לביתו כי מאתי נהיה הדבר הזה וישמעו את דברי יהוה וישבו מלכת אל ירבעם׃

  5. 2 דִּבְרֵי הַיָּמִים י״א:ה׳

    וישב רחבעם בירושלם ויבן ערים למצור ביהודה׃

  6. 2 דִּבְרֵי הַיָּמִים י״א:ו׳

    ויבן את בית לחם ואת עיטם ואת תקוע׃

  7. 2 דִּבְרֵי הַיָּמִים י״א:ז׳

    ואת בית צור ואת שוכו ואת עדלם׃

  8. 2 דִּבְרֵי הַיָּמִים י״א:ח׳

    ואת גת ואת מרשה ואת זיף׃

  9. 2 דִּבְרֵי הַיָּמִים י״א:ט׳

    ואת אדורים ואת לכיש ואת עזקה׃

  10. 2 דִּבְרֵי הַיָּמִים י״א:י׳

    ואת צרעה ואת אילון ואת חברון אשר ביהודה ובבנימן ערי מצרות׃

  11. 2 דִּבְרֵי הַיָּמִים י״א:י״א

    ויחזק את המצרות ויתן בהם נגידים ואצרות מאכל ושמן ויין׃

  12. 2 דִּבְרֵי הַיָּמִים י״א:י״ב

    ובכל עיר ועיר צנות ורמחים ויחזקם להרבה מאד ויהי לו יהודה ובנימן׃

  13. 2 דִּבְרֵי הַיָּמִים י״א:י״ג

    והכהנים והלוים אשר בכל ישראל התיצבו עליו מכל גבולם׃

  14. 2 דִּבְרֵי הַיָּמִים י״א:י״ד

    כי עזבו הלוים את מגרשיהם ואחזתם וילכו ליהודה ולירושלם כי הזניחם ירבעם ובניו מכהן ליהוה׃

  15. 2 דִּבְרֵי הַיָּמִים י״א:ט״ו

    ויעמד לו כהנים לבמות ולשעירים ולעגלים אשר עשה׃

  16. 2 דִּבְרֵי הַיָּמִים י״א:ט״ז

    ואחריהם מכל שבטי ישראל הנתנים את לבבם לבקש את יהוה אלהי ישראל באו ירושלם לזבוח ליהוה אלהי אבותיהם׃

  17. 2 דִּבְרֵי הַיָּמִים י״א:י״ז

    ויחזקו את מלכות יהודה ויאמצו את רחבעם בן שלמה לשנים שלוש כי הלכו בדרך דויד ושלמה לשנים שלוש׃

  18. 2 דִּבְרֵי הַיָּמִים י״א:י״ח

    ויקח לו רחבעם אשה את מחלת בן ירימות בן דויד אביהיל בת אליאב בן ישי׃

  19. 2 דִּבְרֵי הַיָּמִים י״א:י״ט

    ותלד לו בנים את יעוש ואת שמריה ואת זהם׃

  20. 2 דִּבְרֵי הַיָּמִים י״א:כ׳

    ואחריה לקח את מעכה בת אבשלום ותלד לו את אביה ואת עתי ואת זיזא ואת שלמית׃

  21. 2 דִּבְרֵי הַיָּמִים י״א:כ״א

    ויאהב רחבעם את מעכה בת אבשלום מכל נשיו ופילגשיו כי נשים שמונה עשרה נשא ופילגשים ששים ויולד עשרים ושמונה בנים וששים בנות׃

  22. 2 דִּבְרֵי הַיָּמִים י״א:כ״ב

    ויעמד לראש רחבעם את אביה בן מעכה לנגיד באחיו כי להמליכו׃

  23. 2 דִּבְרֵי הַיָּמִים י״א:כ״ג

    ויבן ויפרץ מכל בניו לכל ארצות יהודה ובנימן לכל ערי המצרות ויתן להם המזון לרב וישאל המון נשים׃

  24. 2 דִּבְרֵי הַיָּמִים י״ב:א׳

    ¶ ויהי כהכין מלכות רחבעם וכחזקתו עזב את תורת יהוה וכל ישראל עמו׃

  25. 2 דִּבְרֵי הַיָּמִים י״ב:ב׳

    ויהי בשנה החמישית למלך רחבעם עלה שישק מלך מצרים על ירושלם כי מעלו ביהוה׃