פסוקים על Rebellion Against God

148 פסוקים · 63 היבטים

פסוקי מפתח

סינון לפי ספר
  1. דְּבָרִים כ״ח:ט׳

    יקימך יהוה לו לעם קדוש כאשר נשבע לך כי תשמר את מצות יהוה אלהיך והלכת בדרכיו׃

  2. דְּבָרִים כ״ח:י׳

    וראו כל עמי הארץ כי שם יהוה נקרא עליך ויראו ממך׃

  3. דְּבָרִים כ״ח:י״א

    והותרך יהוה לטובה בפרי בטנך ובפרי בהמתך ובפרי אדמתך על האדמה אשר נשבע יהוה לאבתיך לתת לך׃

  4. דְּבָרִים כ״ח:י״ב

    יפתח יהוה לך את אוצרו הטוב את השמים לתת מטר ארצך בעתו ולברך את כל מעשה ידך והלוית גוים רבים ואתה לא תלוה׃

  5. דְּבָרִים כ״ח:י״ג

    ונתנך יהוה לראש ולא לזנב והיית רק למעלה ולא תהיה למטה כי תשמע אל מצות יהוה אלהיך אשר אנכי מצוך היום לשמר ולעשות׃

  6. דְּבָרִים ל״א:כ״ז

    כי אנכי ידעתי את מריך ואת ערפך הקשה הן בעודני חי עמכם היום ממרים היתם עם יהוה ואף כי אחרי מותי׃

  7. יְהוֹשֻעַ א׳:י״ח

    כל איש אשר ימרה את פיך ולא ישמע את דבריך לכל אשר תצונו יומת רק חזק ואמץ׃

  8. יְהוֹשֻעַ כ״ב:ט״ז

    כה אמרו כל עדת יהוה מה המעל הזה אשר מעלתם באלהי ישראל לשוב היום מאחרי יהוה בבנותכם לכם מזבח למרדכם היום ביהוה׃

  9. יְהוֹשֻעַ כ״ב:י״ז

    המעט לנו את עון פעור אשר לא הטהרנו ממנו עד היום הזה ויהי הנגף בעדת יהוה׃

  10. יְהוֹשֻעַ כ״ב:י״ח

    ואתם תשבו היום מאחרי יהוה והיה אתם תמרדו היום ביהוה ומחר אל כל עדת ישראל יקצף׃

  11. יְהוֹשֻעַ כ״ב:י״ט

    ואך אם טמאה ארץ אחזתכם עברו לכם אל ארץ אחזת יהוה אשר שכן שם משכן יהוה והאחזו בתוכנו וביהוה אל תמרדו ואתנו אל תמרדו בבנתכם לכם מזבח מבלעדי מזבח יהוה אלהינו׃

  12. יְהוֹשֻעַ כ״ב:כ״ט

    חלילה לנו ממנו למרד ביהוה ולשוב היום מאחרי יהוה לבנות מזבח לעלה למנחה ולזבח מלבד מזבח יהוה אלהינו אשר לפני משכנו׃

  13. 1 שְׁמוּאֵל ח׳:ז׳

    ויאמר יהוה אל שמואל שמע בקול העם לכל אשר יאמרו אליך כי לא אתך מאסו כי אתי מאסו ממלך עליהם׃

  14. 1 שְׁמוּאֵל י״ב:י״ד

    אם תיראו את יהוה ועבדתם אתו ושמעתם בקלו ולא תמרו את פי יהוה והיתם גם אתם וגם המלך אשר מלך עליכם אחר יהוה אלהיכם׃

  15. 1 שְׁמוּאֵל י״ב:ט״ו

    ואם לא תשמעו בקול יהוה ומריתם את פי יהוה והיתה יד יהוה בכם ובאבתיכם׃

  16. 1 שְׁמוּאֵל ט״ו:ט׳

    ויחמל שאול והעם על אגג ועל מיטב הצאן והבקר והמשנים ועל הכרים ועל כל הטוב ולא אבו החרימם וכל המלאכה נמבזה ונמס אתה החרימו׃

  17. 1 שְׁמוּאֵל ט״ו:כ״ג

    כי חטאת קסם מרי ואון ותרפים הפצר יען מאסת את דבר יהוה וימאסך ממלך׃

  18. 1 מְלָכִים י״ב:כ״ח

    ויועץ המלך ויעש שני עגלי זהב ויאמר אלהם רב לכם מעלות ירושלם הנה אלהיך ישראל אשר העלוך מארץ מצרים׃

  19. 1 מְלָכִים י״ב:כ״ט

    וישם את האחד בבית אל ואת האחד נתן בדן׃

  20. 1 מְלָכִים י״ב:ל׳

    ויהי הדבר הזה לחטאת וילכו העם לפני האחד עד דן׃

  21. 1 מְלָכִים י״ב:ל״א

    ויעש את בית במות ויעש כהנים מקצות העם אשר לא היו מבני לוי׃

  22. 1 מְלָכִים י״ב:ל״ב

    ויעש ירבעם חג בחדש השמיני בחמשה עשר יום לחדש כחג אשר ביהודה ויעל על המזבח כן עשה בבית אל לזבח לעגלים אשר עשה והעמיד בבית אל את כהני הבמות אשר עשה׃

  23. 1 מְלָכִים י״ב:ל״ג

    ויעל על המזבח אשר עשה בבית אל בחמשה עשר יום בחדש השמיני בחדש אשר בדא מלבד ויעש חג לבני ישראל ויעל על המזבח להקטיר׃

  24. 2 דִּבְרֵי הַיָּמִים ל״ו:י״ג

    וגם במלך נבוכדנאצר מרד אשר השביעו באלהים ויקש את ערפו ויאמץ את לבבו משוב אל יהוה אלהי ישראל׃

  25. נחמיה ט׳:י״ז

    וימאנו לשמע ולא זכרו נפלאתיך אשר עשית עמהם ויקשו את ערפם ויתנו ראש לשוב לעבדתם במרים ואתה אלוה סליחות חנון ורחום ארך אפים ורב וחסד ולא עזבתם׃