פסוקים על Rebellion Against God

148 פסוקים · 63 היבטים

פסוקי מפתח

סינון לפי ספר
  1. יְשַׁעְיָהוּ נ״ט:י״ג

    פשע וכחש ביהוה ונסוג מאחר אלהינו דבר עשק וסרה הרו והגו מלב דברי שקר׃

  2. יְשַׁעְיָהוּ ס״ג:י׳

    והמה מרו ועצבו את רוח קדשו ויהפך להם לאויב הוא נלחם בם׃

  3. יְשַׁעְיָהוּ ס״ה:ב׳

    פרשתי ידי כל היום אל עם סורר ההלכים הדרך לא טוב אחר מחשבתיהם׃

  4. יִרְמְיָהוּ ד׳:ט״ז

    הזכירו לגוים הנה השמיעו על ירושלם נצרים באים מארץ המרחק ויתנו על ערי יהודה קולם׃

  5. יִרְמְיָהוּ ד׳:י״ז

    כשמרי שדי היו עליה מסביב כי אתי מרתה נאם יהוה׃

  6. יִרְמְיָהוּ ד׳:י״ח

    דרכך ומעלליך עשו אלה לך זאת רעתך כי מר כי נגע עד לבך׃

  7. יִרְמְיָהוּ ה׳:כ״ג

    ולעם הזה היה לב סורר ומורה סרו וילכו׃

  8. יִרְמְיָהוּ כ״ח:ט״ז

    לכן כה אמר יהוה הנני משלחך מעל פני האדמה השנה אתה מת כי סרה דברת אל יהוה׃

  9. אֵיכָה א׳:י״ח

    צדיק הוא יהוה כי פיהו מריתי שמעו נא כל עמים וראו מכאבי בתולתי ובחורי הלכו בשבי׃

  10. אֵיכָה א׳:כ׳

    ראה יהוה כי צר לי מעי חמרמרו נהפך לבי בקרבי כי מרו מריתי מחוץ שכלה חרב בבית כמות׃

  11. יְחֶזְקֵאל ב׳:ג׳

    ויאמר אלי בן אדם שולח אני אותך אל בני ישראל אל גוים המורדים אשר מרדו בי המה ואבותם פשעו בי עד עצם היום הזה׃

  12. יְחֶזְקֵאל ב׳:ד׳

    והבנים קשי פנים וחזקי לב אני שולח אותך אליהם ואמרת אליהם כה אמר אדני יהוה׃

  13. יְחֶזְקֵאל ב׳:ה׳

    והמה אם ישמעו ואם יחדלו כי בית מרי המה וידעו כי נביא היה בתוכם׃

  14. יְחֶזְקֵאל ב׳:ו׳

    ואתה בן אדם אל תירא מהם ומדבריהם אל תירא כי סרבים וסלונים אותך ואל עקרבים אתה יושב מדבריהם אל תירא ומפניהם אל תחת כי בית מרי המה׃

  15. יְחֶזְקֵאל ב׳:ז׳

    ודברת את דברי אליהם אם ישמעו ואם יחדלו כי מרי המה׃

  16. יְחֶזְקֵאל ב׳:ח׳

    ואתה בן אדם שמע את אשר אני מדבר אליך אל תהי מרי כבית המרי פצה פיך ואכל את אשר אני נתן אליך׃

  17. יְחֶזְקֵאל ג׳:ד׳

    ויאמר אלי בן אדם לך בא אל בית ישראל ודברת בדברי אליהם׃

  18. יְחֶזְקֵאל ג׳:ה׳

    כי לא אל עם עמקי שפה וכבדי לשון אתה שלוח אל בית ישראל׃

  19. יְחֶזְקֵאל ג׳:ו׳

    לא אל עמים רבים עמקי שפה וכבדי לשון אשר לא תשמע דבריהם אם לא אליהם שלחתיך המה ישמעו אליך׃

  20. יְחֶזְקֵאל ג׳:ז׳

    ובית ישראל לא יאבו לשמע אליך כי אינם אבים לשמע אלי כי כל בית ישראל חזקי מצח וקשי לב המה׃

  21. יְחֶזְקֵאל ג׳:ח׳

    הנה נתתי את פניך חזקים לעמת פניהם ואת מצחך חזק לעמת מצחם׃

  22. יְחֶזְקֵאל ג׳:ט׳

    כשמיר חזק מצר נתתי מצחך לא תירא אותם ולא תחת מפניהם כי בית מרי המה׃

  23. יְחֶזְקֵאל י״ז:י״ב

    אמר נא לבית המרי הלא ידעתם מה אלה אמר הנה בא מלך בבל ירושלם ויקח את מלכה ואת שריה ויבא אותם אליו בבלה׃

  24. יְחֶזְקֵאל י״ז:ט״ו

    וימרד בו לשלח מלאכיו מצרים לתת לו סוסים ועם רב היצלח הימלט העשה אלה והפר ברית ונמלט׃

  25. יְחֶזְקֵאל כ׳:ח׳

    וימרו בי ולא אבו לשמע אלי איש את שקוצי עיניהם לא השליכו ואת גלולי מצרים לא עזבו ואמר לשפך חמתי עליהם לכלות אפי בהם בתוך ארץ מצרים׃