פסוקים על Rebellion Against God

וימרו וימרדו בך וישלכו את תורתך אחרי גום ואת נביאיך הרגו אשר העידו בם להשיבם אליך ויעשו נאצות גדולת׃

ותתנם ביד צריהם ויצרו להם ובעת צרתם יצעקו אליך ואתה משמים תשמע וכרחמיך הרבים תתן להם מושיעים ויושיעום מיד צריהם׃

המה היו במרדי אור לא הכירו דרכיו ולא ישבו בנתיבתיו׃

אשר על כן סרו מאחריו וכל דרכיו לא השכילו׃

האשימם אלהים יפלו ממעצותיהם ברב פשעיהם הדיחמו כי מרו בך׃

משל בגבורתו עולם עיניו בגוים תצפינה הסוררים אל ירימו למו סלה׃

אלהים מושיב יחידים ביתה מוציא אסירים בכושרות אך סוררים שכנו צחיחה׃

עלית למרום שבית שבי לקחת מתנות באדם ואף סוררים לשכן יה אלהים׃

ויקם עדות ביעקב ותורה שם בישראל אשר צוה את אבותינו להודיעם לבניהם׃

ולא יהיו כאבותם דור סורר ומרה דור לא הכין לבו ולא נאמנה את אל רוחו׃

וימאסו בארץ חמדה לא האמינו לדברו׃

וירגנו באהליהם לא שמעו בקול יהוה׃

וישא ידו להם להפיל אותם במדבר׃

ולהפיל זרעם בגוים ולזרותם בארצות׃

כי המרו אמרי אל ועצת עליון נאצו׃

ויכנע בעמל לבם כשלו ואין עזר׃

שמעו שמים והאזיני ארץ כי יהוה דבר בנים גדלתי ורוממתי והם פשעו בי׃

ידע שור קנהו וחמור אבוס בעליו ישראל לא ידע עמי לא התבונן׃

על מה תכו עוד תוסיפו סרה כל ראש לחלי וכל לבב דוי׃

ואם תמאנו ומריתם חרב תאכלו כי פי יהוה דבר׃

שריך סוררים וחברי גנבים כלו אהב שחד ורדף שלמנים יתום לא ישפטו וריב אלמנה לא יבוא אליהם׃

¶ הוי בנים סוררים נאם יהוה לעשות עצה ולא מני ולנסך מסכה ולא רוחי למען ספות חטאת על חטאת׃

עתה בוא כתבה על לוח אתם ועל ספר חקה ותהי ליום אחרון לעד עד עולם׃

כי עם מרי הוא בנים כחשים בנים לא אבו שמוע תורת יהוה׃

שובו לאשר העמיקו סרה בני ישראל׃