פסוקים על Prophecy

120 פסוקים · 47 היבטים

פסוקי מפתח

סינון לפי ספר
  1. 1 מְלָכִים כ׳:י״ט

    ואלה יצאו מן העיר נערי שרי המדינות והחיל אשר אחריהם׃

  2. 1 מְלָכִים כ׳:כ׳

    ויכו איש אישו וינסו ארם וירדפם ישראל וימלט בן הדד מלך ארם על סוס ופרשים׃

  3. 1 מְלָכִים כ׳:כ״א

    ויצא מלך ישראל ויך את הסוס ואת הרכב והכה בארם מכה גדולה׃

  4. 1 מְלָכִים כ׳:כ״ב

    ויגש הנביא אל מלך ישראל ויאמר לו לך התחזק ודע וראה את אשר תעשה כי לתשובת השנה מלך ארם עלה עליך׃

  5. 1 מְלָכִים כ׳:כ״ג

    ועבדי מלך ארם אמרו אליו אלהי הרים אלהיהם על כן חזקו ממנו ואולם נלחם אתם במישור אם לא נחזק מהם׃

  6. 1 מְלָכִים כ׳:כ״ד

    ואת הדבר הזה עשה הסר המלכים איש ממקמו ושים פחות תחתיהם׃

  7. 1 מְלָכִים כ׳:כ״ה

    ואתה תמנה לך חיל כחיל הנפל מאותך וסוס כסוס ורכב כרכב ונלחמה אותם במישור אם לא נחזק מהם וישמע לקלם ויעש כן׃

  8. 1 מְלָכִים כ׳:כ״ו

    ויהי לתשובת השנה ויפקד בן הדד את ארם ויעל אפקה למלחמה עם ישראל׃

  9. 1 מְלָכִים כ׳:כ״ז

    ובני ישראל התפקדו וכלכלו וילכו לקראתם ויחנו בני ישראל נגדם כשני חשפי עזים וארם מלאו את הארץ׃

  10. 1 מְלָכִים כ׳:כ״ח

    ויגש איש האלהים ויאמר אל מלך ישראל ויאמר כה אמר יהוה יען אשר אמרו ארם אלהי הרים יהוה ולא אלהי עמקים הוא ונתתי את כל ההמון הגדול הזה בידך וידעתם כי אני יהוה׃

  11. 1 מְלָכִים כ׳:כ״ט

    ויחנו אלה נכח אלה שבעת ימים ויהי ביום השביעי ותקרב המלחמה ויכו בני ישראל את ארם מאה אלף רגלי ביום אחד׃

  12. 1 מְלָכִים כ׳:ל׳

    וינסו הנותרים אפקה אל העיר ותפל החומה על עשרים ושבעה אלף איש הנותרים ובן הדד נס ויבא אל העיר חדר בחדר׃

  13. 2 דִּבְרֵי הַיָּמִים כ׳:כ׳

    וישכימו בבקר ויצאו למדבר תקוע ובצאתם עמד יהושפט ויאמר שמעוני יהודה וישבי ירושלם האמינו ביהוה אלהיכם ותאמנו האמינו בנביאיו והצליחו׃

  14. 2 דִּבְרֵי הַיָּמִים ל״ג:י״ח

    ויתר דברי מנשה ותפלתו אל אלהיו ודברי החזים המדברים אליו בשם יהוה אלהי ישראל הנם על דברי מלכי ישראל׃

  15. 2 דִּבְרֵי הַיָּמִים ל״ו:ט״ו

    וישלח יהוה אלהי אבותיהם עליהם ביד מלאכיו השכם ושלוח כי חמל על עמו ועל מעונו׃

  16. נחמיה ט׳:ל׳

    ותמשך עליהם שנים רבות ותעד בם ברוחך ביד נביאיך ולא האזינו ותתנם ביד עמי הארצת׃

  17. יְשַׁעְיָהוּ כ״ח:כ״ב

    ועתה אל תתלוצצו פן יחזקו מוסריכם כי כלה ונחרצה שמעתי מאת אדני יהוה צבאות על כל הארץ׃

  18. יְשַׁעְיָהוּ מ״ג:ט׳

    כל הגוים נקבצו יחדו ויאספו לאמים מי בהם יגיד זאת וראשנות ישמיענו יתנו עדיהם ויצדקו וישמעו ויאמרו אמת׃

  19. יְשַׁעְיָהוּ מ״ד:ז׳

    ומי כמוני יקרא ויגידה ויערכה לי משומי עם עולם ואתיות ואשר תבאנה יגידו למו׃

  20. יְשַׁעְיָהוּ מ״ד:כ״ו

    מקים דבר עבדו ועצת מלאכיו ישלים האמר לירושלם תושב ולערי יהודה תבנינה וחרבותיה אקומם׃

  21. יְשַׁעְיָהוּ מ״ה:כ״א

    הגידו והגישו אף יועצו יחדו מי השמיע זאת מקדם מאז הגידה הלוא אני יהוה ואין עוד אלהים מבלעדי אל צדיק ומושיע אין זולתי׃

  22. יִרְמְיָהוּ א׳:ה׳

    בטרם אצורך בבטן ידעתיך ובטרם תצא מרחם הקדשתיך נביא לגוים נתתיך׃

  23. יִרְמְיָהוּ ז׳:כ״ה

    למן היום אשר יצאו אבותיכם מארץ מצרים עד היום הזה ואשלח אליכם את כל עבדי הנביאים יום השכם ושלח׃

  24. יִרְמְיָהוּ י״א:ו׳

    ויאמר יהוה אלי קרא את כל הדברים האלה בערי יהודה ובחצות ירושלם לאמר שמעו את דברי הברית הזאת ועשיתם אותם׃

  25. יִרְמְיָהוּ י״ד:י״ד

    ויאמר יהוה אלי שקר הנבאים נבאים בשמי לא שלחתים ולא צויתים ולא דברתי אליהם חזון שקר וקסם ואלול ותרמות לבם המה מתנבאים לכם׃