פסוקים על Peter

292 פסוקים · 35 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים ח׳:כ״ד

    ויען שמעון ויאמר העתירו אתם בעדי אל יהוה לבלתי בוא עלי דבר מכל אשר אמריתם׃

  2. מַעֲשֵׂי הַשְּׁלִיחִים ח׳:כ״ה

    והמה אחרי אשר העידה ודברו את דבר יהוה שבו ירושלים ויבשרו את הבשורה בכפרים רבים אשר לשמרונים׃

  3. מַעֲשֵׂי הַשְּׁלִיחִים ט׳:ל״ב

    ויהי בסבב פטרוס בכל המקמות וירד גם אל הקדושים אשר ישבו בלד׃

  4. מַעֲשֵׂי הַשְּׁלִיחִים ט׳:ל״ג

    וימצא שם איש שמו אניס והוא שכב על משכבו זה שמנה שנים והוא נכה אברים׃

  5. מַעֲשֵׂי הַשְּׁלִיחִים ט׳:ל״ד

    ויאמר אליו פטרוס אניס רפאך ישוע המשיח קום הצע לך אתה ויקם פתאם׃

  6. מַעֲשֵׂי הַשְּׁלִיחִים ט׳:ל״ו

    ותלמידה ביפו ושמה טביתא תרגומו צביה והיא מלאה מעשים טובים וצדקות אשר עשתה׃

  7. מַעֲשֵׂי הַשְּׁלִיחִים ט׳:ל״ז

    ויהי בימים ההם ותחלה ותמת וירחצו אתה וישימוה בעליה׃

  8. מַעֲשֵׂי הַשְּׁלִיחִים ט׳:ל״ח

    ולד קרובה היא ליפו וישמעו התלמידים כי פטרוס שם וישלחו אליו שני אנשים ויפצרו בו לבלתי העצל לעבר אליהם׃

  9. מַעֲשֵׂי הַשְּׁלִיחִים ט׳:ל״ט

    ויקם פטרוס וילך אתם ובבאו העלהו אל העליה ותנשנה אליו כל האלמנות בוכיות ומראות לו את הכתנת ואת הבגדים אשר עשתה צביה בעודה עמהן׃

  10. מַעֲשֵׂי הַשְּׁלִיחִים ט׳:מ׳

    ויוצא פטרוס את כלם החוצה ויכרע על ברכיו ויתפלל ויפן אל גויתה ויאמר טביתא קומי ותפתח את עיניה ותרא את פטרוס ותתעודד׃

  11. מַעֲשֵׂי הַשְּׁלִיחִים ט׳:מ״א

    וישלח ידו ויקם אתה ויקרא את הקדושים ואת האלמנות ויעמד אתה חיה לפניהם׃

  12. מַעֲשֵׂי הַשְּׁלִיחִים ט׳:מ״ב

    ויודע הדבר בכל יפו ויאמינו רבים באדון׃

  13. מַעֲשֵׂי הַשְּׁלִיחִים ט׳:מ״ג

    ויואל לשבת ביפו ימים רבים עם בורסי אחד ושמו שמעון׃

  14. מַעֲשֵׂי הַשְּׁלִיחִים י׳:ט׳

    ויהי ממחרת והמה הלכים בדרך וקרבים לעיר ויעל פטרוס על הגג להתפלל כשעה הששית׃

  15. מַעֲשֵׂי הַשְּׁלִיחִים י׳:י׳

    והוא רעב ויתאו לטעם לחם ובהכינם לו נפלה תרדמה עליו׃

  16. מַעֲשֵׂי הַשְּׁלִיחִים י׳:י״א

    וירא את השמים נפתחים והנה כלי ירד אליו כדמות מטפחת בד גדולה ויורד בארבע כנפותיו על הארץ׃

  17. מַעֲשֵׂי הַשְּׁלִיחִים י׳:י״ב

    ובתוכו מכל בהמת הארץ וחיה ורמש ועוף השמים׃

  18. מַעֲשֵׂי הַשְּׁלִיחִים י׳:י״ג

    ויהי קול אליו לאמר קום פטרוס זבח ואכל׃

  19. מַעֲשֵׂי הַשְּׁלִיחִים י׳:י״ד

    ויאמר פטרוס חלילה לי אדני כי מעולם לא אכלתי כל פגול וטמא׃

  20. מַעֲשֵׂי הַשְּׁלִיחִים י׳:ט״ו

    ויהי עוד קול אליו פעם שנית לאמר את אשר טהר האלהים אתה אל תטמאנו׃

  21. מַעֲשֵׂי הַשְּׁלִיחִים י׳:ט״ז

    וכן היה שלש פעמים והכלי שב והעלה השמימה׃

  22. מַעֲשֵׂי הַשְּׁלִיחִים י״א:א׳

    ¶ וישמעו השליחים והאחים אשר ביהודה כי קבלו גם הגוים את דבר האלהים׃

  23. מַעֲשֵׂי הַשְּׁלִיחִים י״א:ב׳

    ויהי כאשר עלה פטרוס ירושלים ויריבו עמו בני המילה לאמר׃

  24. מַעֲשֵׂי הַשְּׁלִיחִים י״א:ג׳

    אל אנשים אשר להם ערלה באת ותאכל אתם לחם׃

  25. מַעֲשֵׂי הַשְּׁלִיחִים י״א:ד׳

    ויחל פטרוס ויספר להם את כל אשר קרהו לאמר׃