פסוקים על Peter

292 פסוקים · 35 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים י״א:ה׳

    מתפלל הייתי בעיר יפו וארדם וארא מראה והנה כלי כדמות מטפחת בד גדולה יורד מן השמים ותורד בארבע כנפותיה ותבא עדי׃

  2. מַעֲשֵׂי הַשְּׁלִיחִים י״א:ו׳

    והסתכלתי בה ואבין וארא את בהמת הארץ ואת החיה ורמש האדמה ועוף השמים׃

  3. מַעֲשֵׂי הַשְּׁלִיחִים י״א:ז׳

    ואשמע גם קול האמר אלי קום פטרוס זבח ואכל׃

  4. מַעֲשֵׂי הַשְּׁלִיחִים י״א:ח׳

    ואמר חלילה לי אדני כי כל פגול וטמא לא בא בפי מעולם׃

  5. מַעֲשֵׂי הַשְּׁלִיחִים י״א:ט׳

    ויענני הקול שנית מן השמים ויאמר את אשר טהר האלהים אתה אל תטמאנו׃

  6. מַעֲשֵׂי הַשְּׁלִיחִים י״א:י׳

    וכן היה שלש פעמים והכל שב והעלה השמימה׃

  7. מַעֲשֵׂי הַשְּׁלִיחִים י״א:י״א

    והנה כרגע שלשה אנשים עמדים על פתח הבית אשר אנכי שם והמה שלוחים אלי מקסרין׃

  8. מַעֲשֵׂי הַשְּׁלִיחִים י״א:י״ב

    ויאמר אלי הרוח ללכת אתם ולבלתי התמהמה וילכו אתי גם ששת האחים האלה ונבוא אל בית האיש׃

  9. מַעֲשֵׂי הַשְּׁלִיחִים י״א:י״ג

    ויגד לנו את אשר ראה המלאך נצב בביתו ואמר אליו שלח אל יפו אנשים וקרא אליך את שמעון המכנה פטרוס׃

  10. מַעֲשֵׂי הַשְּׁלִיחִים י״א:י״ד

    והוא ידבר אליך דברים אשר תושע בהם אתה וכל ביתך׃

  11. מַעֲשֵׂי הַשְּׁלִיחִים י״א:ט״ו

    וכאשר החלותי לדבר צלחה עליהם רוח הקדש כאשר צלחה עלינו בתחלה׃

  12. מַעֲשֵׂי הַשְּׁלִיחִים י״א:ט״ז

    ואזכר את דבר האדון אשר אמר יוחנן הטביל במים ואתם תטבלו ברוח הקדש׃

  13. מַעֲשֵׂי הַשְּׁלִיחִים י״א:י״ז

    ועתה אם מתנה אחת נתן האלהים להם ולנו המאמינים באדון ישוע המשיח מי אנכי כי אעצר לאלהים׃

  14. מַעֲשֵׂי הַשְּׁלִיחִים י״א:י״ח

    ויהי כשמעם זאת ויחרישו ויהללו את האלהים ויאמרו אכן גם לגוים נתן האלהים התשובה לחיים׃

  15. מַעֲשֵׂי הַשְּׁלִיחִים י״ב:ג׳

    וירא כי טוב הדבר בעיני היהודים ויוסף לתפש גם את פטרוס והימים ימי חג המצות׃

  16. מַעֲשֵׂי הַשְּׁלִיחִים י״ב:ד׳

    ויאחז אתו ויתנהו במשמר וימסרהו לארבע מחלקות של ארבעה אנשי צבא לשמרו כי אמר להעלותו אחרי הפסח לפני העם׃

  17. מַעֲשֵׂי הַשְּׁלִיחִים י״ב:ה׳

    פטרוס היה עצור במשמר והקהלה העתירה בעדו בחזקה אל האלהים׃

  18. מַעֲשֵׂי הַשְּׁלִיחִים י״ב:ו׳

    ויהי בלילה ההוא אשר אמר הורדוס להביאו מחר לדין ויישן פטרוס בין שני אנשי צבא והוא אסור בשנים זקים ושמרי הפתח שמרים את המשמר׃

  19. מַעֲשֵׂי הַשְּׁלִיחִים י״ב:ז׳

    והנה מלאך יהוה נצב עליו ואור נגה בחדר ויספק על ירך פטרוס ויעירהו לאמר קום מהרה ויפלו מוסרותיו מעל ידיו׃

  20. מַעֲשֵׂי הַשְּׁלִיחִים י״ב:ח׳

    ויאמר אליו המלאך חגר מתניך והנעל את רגליך ויעש כן ויאמר אליו עטה מעילך ולך אחרי׃

  21. מַעֲשֵׂי הַשְּׁלִיחִים י״ב:ט׳

    ויצא וילך אחריו ולא ידע אם אמת הוא הנעשה לו על ידי המלאך כי כמראה היה בעיניו׃

  22. מַעֲשֵׂי הַשְּׁלִיחִים י״ב:י׳

    ויעברו דרך המשמרת הראשונה והשניה ויבאו עד שער הברזל אשר יצאו בו העירה ויפתח השער לפניהם מאליו ויצאו החוצה וילכו מהלך רחוב אחד והמלאך סר מעליו פתאם׃

  23. מַעֲשֵׂי הַשְּׁלִיחִים י״ב:י״א

    ויהי בשובו אל דעתו ויאמר פטרוס עתה זה ידעתי באמת כי האלהים שלח את מלאכו ויפלטני מיד הורדוס ומכל מזמת עם היהודים׃

  24. מַעֲשֵׂי הַשְּׁלִיחִים י״ב:י״ב

    הוא חשב כזאת והוא בא עד בית מרים אם יוחנן המכנה מרקוס אשר נקהלו שם רבים והם מתפללים יחד׃

  25. מַעֲשֵׂי הַשְּׁלִיחִים י״ב:י״ג

    וידפק על דלת השער ותגש נערה להקשיב ושמה רודי׃