פסוקים על Oppression

לשפט יתום ודך בל יוסיף עוד לערץ אנוש מן הארץ׃

משד עניים מאנקת אביונים עתה אקום יאמר יהוה אשית בישע יפיח לו׃

מפני רשעים זו שדוני איבי בנפש יקיפו עלי׃

למה פניך תסתיר תשכח ענינו ולחצנו׃

אל תבטחו בעשק ובגזל אל תהבלו חיל כי ינוב אל תשיתו לב׃

ישפט עניי עם יושיע לבני אביון וידכא עושק׃

מתוך ומחמס יגאל נפשם וייקר דמם בעיניו׃

אל ישב דך נכלם עני ואביון יהללו שמך׃

עשה צדקות יהוה ומשפטים לכל עשוקים׃

עשיתי משפט וצדק בל תניחני לעשקי׃

פדני מעשק אדם ואשמרה פקודיך׃

אל תקנא באיש חמס ואל תבחר בכל דרכיו׃

עשק דל חרף עשהו ומכבדו חנן אביון׃

עשק דל להרבות לו נתן לעשיר אך למחסור׃

אל תגזל דל כי דל הוא ואל תדכא עני בשער׃

גבר רש ועשק דלים מטר סחף ואין לחם׃

דור חרבות שניו ומאכלות מתלעתיו לאכל עניים מארץ ואביונים מאדם׃

¶ ושבתי אני ואראה את כל העשקים אשר נעשים תחת השמש והנה דמעת העשקים ואין להם מנחם ומיד עשקיהם כח ואין להם מנחם׃

אם עשק רש וגזל משפט וצדק תראה במדינה אל תתמה על החפץ כי גבה מעל גבה שמר וגבהים עליהם׃

כי העשק יהולל חכם ויאבד את לב מתנה׃

למדו היטב דרשו משפט אשרו חמוץ שפטו יתום ריבו אלמנה׃

הוי מגיעי בית בבית שדה בשדה יקריבו עד אפס מקום והושבתם לבדכם בקרב הארץ׃

הלך צדקות ודבר מישרים מאס בבצע מעשקות נער כפיו מתמך בשחד אטם אזנו משמע דמים ועצם עיניו מראות ברע׃

הוא מרומים ישכן מצדות סלעים משגבו לחמו נתן מימיו נאמנים׃

כסוס עגור כן אצפצף אהגה כיונה דלו עיני למרום אדני עשקה לי ערבני׃