פסוקים על Oppression

ועתה הנה צעקת בני ישראל באה אלי וגם ראיתי את הלחץ אשר מצרים לחצים אתם׃

וגר לא תונה ולא תלחצנו כי גרים הייתם בארץ מצרים׃

כל אלמנה ויתום לא תענון׃

אם ענה תענה אתו כי אם צעק יצעק אלי שמע אשמע צעקתו׃

וחרה אפי והרגתי אתכם בחרב והיו נשיכם אלמנות ובניכם יתמים׃

לא תסגיר עבד אל אדניו אשר ינצל אליך מעם אדניו׃

עמך ישב בקרבך במקום אשר יבחר באחד שעריך בטוב לו לא תוננו׃

לא תעשק שכיר עני ואביון מאחיך או מגרך אשר בארצך בשעריך׃

ביומו תתן שכרו ולא תבוא עליו השמש כי עני הוא ואליו הוא נשא את נפשו ולא יקרא עליך אל יהוה והיה בך חטא׃

ונצעק אל יהוה אלהי אבתינו וישמע יהוה את קלנו וירא את ענינו ואת עמלנו ואת לחצנו׃

ויחר אף יהוה בישראל ויתנם ביד שסים וישסו אותם וימכרם ביד אויביהם מסביב ולא יכלו עוד לעמד לפני אויביהם׃

וידבר אליהם כעצת הילדים לאמר אבי הכביד את עלכם ואני אסיף על עלכם אבי יסר אתכם בשוטים ואני איסר אתכם בעקרבים׃

זה חלק אדם רשע עם אל ונחלת עריצים משדי יקחו׃

אם ירבו בניו למו חרב וצאצאיו לא ישבעו לחם׃

שרידו במות יקברו ואלמנתיו לא תבכינה׃

אם יצבר כעפר כסף וכחמר יכין מלבוש׃

יכין וצדיק ילבש וכסף נקי יחלק׃

בנה כעש ביתו וכסכה עשה נצר׃

עשיר ישכב ולא יאסף עיניו פקח ואיננו׃

תשיגהו כמים בלהות לילה גנבתו סופה׃

ישאהו קדים וילך וישערהו ממקמו׃

וישלך עליו ולא יחמל מידו ברוח יברח׃

ישפק עלימו כפימו וישרק עליו ממקמו׃

ויהי יהוה משגב לדך משגב לעתות בצרה׃

תאות ענוים שמעת יהוה תכין לבם תקשיב אזנך׃