פסוקים על National Sins

152 פסוקים · 34 היבטים

פסוקי מפתח

סינון לפי ספר
  1. יְשַׁעְיָהוּ א׳:ו׳

    מכף רגל ועד ראש אין בו מתם פצע וחבורה ומכה טריה לא זרו ולא חבשו ולא רככה בשמן׃

  2. יְשַׁעְיָהוּ א׳:ז׳

    ארצכם שממה עריכם שרפות אש אדמתכם לנגדכם זרים אכלים אתה ושממה כמהפכת זרים׃

  3. יְשַׁעְיָהוּ א׳:י׳

    שמעו דבר יהוה קציני סדם האזינו תורת אלהינו עם עמרה׃

  4. יְשַׁעְיָהוּ א׳:י״א

    למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי׃

  5. יְשַׁעְיָהוּ א׳:י״ב

    כי תבאו לראות פני מי בקש זאת מידכם רמס חצרי׃

  6. יְשַׁעְיָהוּ א׳:י״ג

    לא תוסיפו הביא מנחת שוא קטרת תועבה היא לי חדש ושבת קרא מקרא לא אוכל און ועצרה׃

  7. יְשַׁעְיָהוּ א׳:י״ד

    חדשיכם ומועדיכם שנאה נפשי היו עלי לטרח נלאיתי נשא׃

  8. יְשַׁעְיָהוּ א׳:ט״ו

    ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃

  9. יְשַׁעְיָהוּ א׳:ט״ז

    רחצו הזכו הסירו רע מעלליכם מנגד עיני חדלו הרע׃

  10. יְשַׁעְיָהוּ א׳:כ״ד

    לכן נאם האדון יהוה צבאות אביר ישראל הוי אנחם מצרי ואנקמה מאויבי׃

  11. יְשַׁעְיָהוּ ג׳:ח׳

    כי כשלה ירושלם ויהודה נפל כי לשונם ומעלליהם אל יהוה למרות עני כבודו׃

  12. יְשַׁעְיָהוּ ה׳:ד׳

    מה לעשות עוד לכרמי ולא עשיתי בו מדוע קויתי לעשות ענבים ויעש באשים׃

  13. יְשַׁעְיָהוּ ה׳:ה׳

    ועתה אודיעה נא אתכם את אשר אני עשה לכרמי הסר משוכתו והיה לבער פרץ גדרו והיה למרמס׃

  14. יְשַׁעְיָהוּ ה׳:ו׳

    ואשיתהו בתה לא יזמר ולא יעדר ועלה שמיר ושית ועל העבים אצוה מהמטיר עליו מטר׃

  15. יְשַׁעְיָהוּ ה׳:ז׳

    כי כרם יהוה צבאות בית ישראל ואיש יהודה נטע שעשועיו ויקו למשפט והנה משפח לצדקה והנה צעקה׃

  16. יְשַׁעְיָהוּ כ״ד:ה׳

    והארץ חנפה תחת ישביה כי עברו תורת חלפו חק הפרו ברית עולם׃

  17. יְשַׁעְיָהוּ ל׳:א׳

    ¶ הוי בנים סוררים נאם יהוה לעשות עצה ולא מני ולנסך מסכה ולא רוחי למען ספות חטאת על חטאת׃

  18. יְשַׁעְיָהוּ ל׳:ח׳

    עתה בוא כתבה על לוח אתם ועל ספר חקה ותהי ליום אחרון לעד עד עולם׃

  19. יְשַׁעְיָהוּ ל׳:ט׳

    כי עם מרי הוא בנים כחשים בנים לא אבו שמוע תורת יהוה׃

  20. יְשַׁעְיָהוּ נ״ח:א׳

    ¶ קרא בגרון אל תחשך כשופר הרם קולך והגד לעמי פשעם ולבית יעקב חטאתם׃

  21. יְשַׁעְיָהוּ נ״ט:ב׳

    כי אם עונתיכם היו מבדלים בינכם לבין אלהיכם וחטאותיכם הסתירו פנים מכם משמוע׃

  22. יִרְמְיָהוּ ה׳:א׳

    ¶ שוטטו בחוצות ירושלם וראו נא ודעו ובקשו ברחובותיה אם תמצאו איש אם יש עשה משפט מבקש אמונה ואסלח לה׃

  23. יִרְמְיָהוּ ה׳:ב׳

    ואם חי יהוה יאמרו לכן לשקר ישבעו׃

  24. יִרְמְיָהוּ ה׳:ג׳

    יהוה עיניך הלוא לאמונה הכיתה אתם ולא חלו כליתם מאנו קחת מוסר חזקו פניהם מסלע מאנו לשוב׃

  25. יִרְמְיָהוּ ה׳:ד׳

    ואני אמרתי אך דלים הם נואלו כי לא ידעו דרך יהוה משפט אלהיהם׃