פסוקים על National Sins: Testify against

עתה בוא כתבה על לוח אתם ועל ספר חקה ותהי ליום אחרון לעד עד עולם׃

כי עם מרי הוא בנים כחשים בנים לא אבו שמוע תורת יהוה׃

¶ קרא בגרון אל תחשך כשופר הרם קולך והגד לעמי פשעם ולבית יעקב חטאתם׃

ויאמר אלי בן אדם שולח אני אותך אל בני ישראל אל גוים המורדים אשר מרדו בי המה ואבותם פשעו בי עד עצם היום הזה׃

והבנים קשי פנים וחזקי לב אני שולח אותך אליהם ואמרת אליהם כה אמר אדני יהוה׃

והמה אם ישמעו ואם יחדלו כי בית מרי המה וידעו כי נביא היה בתוכם׃

ואתה בן אדם התשפט התשפט את עיר הדמים והודעתה את כל תועבותיה׃

קום לך אל נינוה העיר הגדולה וקרא עליה כי עלתה רעתם לפני׃