פסוקים על National Sins: Punishment for, averted on repentance

ויאמרו בני ישראל אל יהוה חטאנו עשה אתה לנו ככל הטוב בעיניך אך הצילנו נא היום הזה׃

ויסירו את אלהי הנכר מקרבם ויעבדו את יהוה ותקצר נפשו בעמל ישראל׃

ויכנעו שרי ישראל והמלך ויאמרו צדיק יהוה׃

ובראות יהוה כי נכנעו היה דבר יהוה אל שמעיה לאמר נכנעו לא אשחיתם ונתתי להם כמעט לפליטה ולא תתך חמתי בירושלם ביד שישק׃

פעמים רבות יצילם והמה ימרו בעצתם וימכו בעונם׃

וירא בצר להם בשמעו את רנתם׃

ויזכר להם בריתו וינחם כרב חסדו׃

ויתן אותם לרחמים לפני כל שוביהם׃

וירא האלהים את מעשיהם כי שבו מדרכם הרעה וינחם האלהים על הרעה אשר דבר לעשות להם ולא עשה׃