פסוקים על National Sins

152 פסוקים · 34 היבטים

פסוקי מפתח

סינון לפי ספר
  1. יִרְמְיָהוּ נ״א:נ״ב

    לכן הנה ימים באים נאם יהוה ופקדתי על פסיליה ובכל ארצה יאנק חלל׃

  2. אֵיכָה ב׳:ט׳

    טבעו בארץ שעריה אבד ושבר בריחיה מלכה ושריה בגוים אין תורה גם נביאיה לא מצאו חזון מיהוה׃

  3. יְחֶזְקֵאל ב׳:ג׳

    ויאמר אלי בן אדם שולח אני אותך אל בני ישראל אל גוים המורדים אשר מרדו בי המה ואבותם פשעו בי עד עצם היום הזה׃

  4. יְחֶזְקֵאל ב׳:ד׳

    והבנים קשי פנים וחזקי לב אני שולח אותך אליהם ואמרת אליהם כה אמר אדני יהוה׃

  5. יְחֶזְקֵאל ב׳:ה׳

    והמה אם ישמעו ואם יחדלו כי בית מרי המה וידעו כי נביא היה בתוכם׃

  6. יְחֶזְקֵאל ו׳:י״א

    כה אמר אדני יהוה הכה בכפך ורקע ברגלך ואמר אח אל כל תועבות רעות בית ישראל אשר בחרב ברעב ובדבר יפלו׃

  7. יְחֶזְקֵאל ט׳:ד׳

    ויאמר יהוה אלו עבר בתוך העיר בתוך ירושלם והתוית תו על מצחות האנשים הנאנחים והנאנקים על כל התועבות הנעשות בתוכה׃

  8. יְחֶזְקֵאל י׳:ו׳

    ויהי בצותו את האיש לבש הבדים לאמר קח אש מבינות לגלגל מבינות לכרובים ויבא ויעמד אצל האופן׃

  9. יְחֶזְקֵאל י״ד:י״א

    למען לא יתעו עוד בית ישראל מאחרי ולא יטמאו עוד בכל פשעיהם והיו לי לעם ואני אהיה להם לאלהים נאם אדני יהוה׃

  10. יְחֶזְקֵאל ט״ז:מ״ט

    הנה זה היה עון סדם אחותך גאון שבעת לחם ושלות השקט היה לה ולבנותיה ויד עני ואביון לא החזיקה׃

  11. יְחֶזְקֵאל כ׳:י״א

    ואתן להם את חקותי ואת משפטי הודעתי אותם אשר יעשה אותם האדם וחי בהם׃

  12. יְחֶזְקֵאל כ׳:י״ב

    וגם את שבתותי נתתי להם להיות לאות ביני וביניהם לדעת כי אני יהוה מקדשם׃

  13. יְחֶזְקֵאל כ׳:י״ג

    וימרו בי בית ישראל במדבר בחקותי לא הלכו ואת משפטי מאסו אשר יעשה אתם האדם וחי בהם ואת שבתתי חללו מאד ואמר לשפך חמתי עליהם במדבר לכלותם׃

  14. יְחֶזְקֵאל כ״ב:ב׳

    ואתה בן אדם התשפט התשפט את עיר הדמים והודעתה את כל תועבותיה׃

  15. יְחֶזְקֵאל כ״ח:ב׳

    בן אדם אמר לנגיד צר כה אמר אדני יהוה יען גבה לבך ותאמר אל אני מושב אלהים ישבתי בלב ימים ואתה אדם ולא אל ותתן לבך כלב אלהים׃

  16. יְחֶזְקֵאל כ״ח:ה׳

    ברב חכמתך ברכלתך הרבית חילך ויגבה לבבך בחילך׃

  17. יְחֶזְקֵאל כ״ח:ז׳

    לכן הנני מביא עליך זרים עריצי גוים והריקו חרבותם על יפי חכמתך וחללו יפעתך׃

  18. יְחֶזְקֵאל כ״ח:ח׳

    לשחת יורדוך ומתה ממותי חלל בלב ימים׃

  19. יְחֶזְקֵאל כ״ח:ט׳

    האמר תאמר אלהים אני לפני הרגך ואתה אדם ולא אל ביד מחלליך׃

  20. יְחֶזְקֵאל כ״ח:י׳

    מותי ערלים תמות ביד זרים כי אני דברתי נאם אדני יהוה׃

  21. יְחֶזְקֵאל ל״ו:כ׳

    ויבוא אל הגוים אשר באו שם ויחללו את שם קדשי באמר להם עם יהוה אלה ומארצו יצאו׃

  22. יְחֶזְקֵאל ל״ו:כ״ג

    וקדשתי את שמי הגדול המחלל בגוים אשר חללתם בתוכם וידעו הגוים כי אני יהוה נאם אדני יהוה בהקדשי בכם לעיניהם׃

  23. הוֹשֵׁעַ ד׳:א׳

    ¶ שמעו דבר יהוה בני ישראל כי ריב ליהוה עם יושבי הארץ כי אין אמת ואין חסד ואין דעת אלהים בארץ׃

  24. הוֹשֵׁעַ ד׳:ב׳

    אלה וכחש ורצח וגנב ונאף פרצו ודמים בדמים נגעו׃

  25. הוֹשֵׁעַ י״ד:א׳

    ¶ שובה ישראל עד יהוה אלהיך כי כשלת בעונך׃