פסוקים על Nation

ישאו הרים שלום לעם וגבעות בצדקה׃

יפרח בימיו צדיק ורב שלום עד בלי ירח׃

¶ למנצח לבני קרח מזמור רצית יהוה ארצך שבת שבות יעקב׃

נשאת עון עמך כסית כל חטאתם סלה׃

אספת כל עברתך השיבות מחרון אפך׃

שובנו אלהי ישענו והפר כעסך עמנו׃

הלעולם תאנף בנו תמשך אפך לדר ודר׃

הלא אתה תשוב תחינו ועמך ישמחו בך׃

הראנו יהוה חסדך וישעך תתן לנו׃

אשרי העם יודעי תרועה יהוה באור פניך יהלכון׃

בשמך יגילון כל היום ובצדקתך ירומו׃

כי תפארת עזמו אתה וברצנך תרים קרננו׃

כי ליהוה מגננו ולקדוש ישראל מלכנו׃

וראה בנים לבניך שלום על ישראל׃

כי חזק בריחי שעריך ברך בניך בקרבך׃

השם גבולך שלום חלב חטים ישביעך׃

צדקה תרומם גוי וחסד לאמים חטאת׃

עת לאהב ועת לשנא עת מלחמה ועת שלום׃

ושפט בין הגוים והוכיח לעמים רבים וכתתו חרבותם לאתים וחניתותיהם למזמרות לא ישא גוי אל גוי חרב ולא ילמדו עוד מלחמה׃

ונשאת המשל הזה על מלך בבל ואמרת איך שבת נגש שבתה מדהבה׃

שבר יהוה מטה רשעים שבט משלים׃

מכה עמים בעברה מכת בלתי סרה רדה באף גוים מרדף בלי חשך׃

נחה שקטה כל הארץ פצחו רנה׃

זאת העצה היעוצה על כל הארץ וזאת היד הנטויה על כל הגוים׃

כי יהוה צבאות יעץ ומי יפר וידו הנטויה ומי ישיבנה׃