פסוקים על Nation

183 פסוקים · 11 היבטים

פסוקי מפתח

סינון לפי ספר
  1. 2 שְׁמוּאֵל כ״ד:י״ד

    ויאמר דוד אל גד צר לי מאד נפלה נא ביד יהוה כי רבים רחמו וביד אדם אל אפלה׃

  2. 2 שְׁמוּאֵל כ״ד:ט״ו

    ויתן יהוה דבר בישראל מהבקר ועד עת מועד וימת מן העם מדן ועד באר שבע שבעים אלף איש׃

  3. 2 שְׁמוּאֵל כ״ד:ט״ז

    וישלח ידו המלאך ירושלם לשחתה וינחם יהוה אל הרעה ויאמר למלאך המשחית בעם רב עתה הרף ידך ומלאך יהוה היה עם גרן האורנה היבסי׃

  4. 2 שְׁמוּאֵל כ״ד:י״ז

    ויאמר דוד אל יהוה בראתו את המלאך המכה בעם ויאמר הנה אנכי חטאתי ואנכי העויתי ואלה הצאן מה עשו תהי נא ידך בי ובבית אבי׃

  5. 1 מְלָכִים ב׳:ל״ג

    ושבו דמיהם בראש יואב ובראש זרעו לעלם ולדוד ולזרעו ולביתו ולכסאו יהיה שלום עד עולם מעם יהוה׃

  6. 2 מְלָכִים כ׳:י״ט

    ויאמר חזקיהו אל ישעיהו טוב דבר יהוה אשר דברת ויאמר הלוא אם שלום ואמת יהיה בימי׃

  7. 1 דִּבְרֵי הַיָּמִים כ״א:ז׳

    וירע בעיני האלהים על הדבר הזה ויך את ישראל׃

  8. 1 דִּבְרֵי הַיָּמִים כ״א:ח׳

    ויאמר דויד אל האלהים חטאתי מאד אשר עשיתי את הדבר הזה ועתה העבר נא את עוון עבדך כי נסכלתי מאד׃

  9. 1 דִּבְרֵי הַיָּמִים כ״א:ט׳

    וידבר יהוה אל גד חזה דויד לאמר׃

  10. 1 דִּבְרֵי הַיָּמִים כ״א:י׳

    לך ודברת אל דויד לאמר כה אמר יהוה שלוש אני נטה עליך בחר לך אחת מהנה ואעשה לך׃

  11. 1 דִּבְרֵי הַיָּמִים כ״א:י״א

    ויבא גד אל דויד ויאמר לו כה אמר יהוה קבל לך׃

  12. 1 דִּבְרֵי הַיָּמִים כ״א:י״ב

    אם שלוש שנים רעב ואם שלשה חדשים נספה מפני צריך וחרב אויבך למשגת ואם שלשת ימים חרב יהוה ודבר בארץ ומלאך יהוה משחית בכל גבול ישראל ועתה ראה מה אשיב את שלחי דבר׃

  13. 1 דִּבְרֵי הַיָּמִים כ״א:י״ג

    ויאמר דויד אל גד צר לי מאד אפלה נא ביד יהוה כי רבים רחמיו מאד וביד אדם אל אפל׃

  14. 1 דִּבְרֵי הַיָּמִים כ״א:י״ד

    ויתן יהוה דבר בישראל ויפל מישראל שבעים אלף איש׃

  15. 1 דִּבְרֵי הַיָּמִים כ״א:ט״ו

    וישלח האלהים מלאך לירושלם להשחיתה וכהשחית ראה יהוה וינחם על הרעה ויאמר למלאך המשחית רב עתה הרף ידך ומלאך יהוה עמד עם גרן ארנן היבוסי׃

  16. 1 דִּבְרֵי הַיָּמִים כ״א:ט״ז

    וישא דויד את עיניו וירא את מלאך יהוה עמד בין הארץ ובין השמים וחרבו שלופה בידו נטויה על ירושלם ויפל דויד והזקנים מכסים בשקים על פניהם׃

  17. 1 דִּבְרֵי הַיָּמִים כ״א:י״ז

    ויאמר דויד אל האלהים הלא אני אמרתי למנות בעם ואני הוא אשר חטאתי והרע הרעותי ואלה הצאן מה עשו יהוה אלהי תהי נא ידך בי ובבית אבי ובעמך לא למגפה׃

  18. 1 דִּבְרֵי הַיָּמִים כ״ב:ט׳

    הנה בן נולד לך הוא יהיה איש מנוחה והנחותי לו מכל אויביו מסביב כי שלמה יהיה שמו ושלום ושקט אתן על ישראל בימיו׃

  19. 1 דִּבְרֵי הַיָּמִים כ״ב:י״ח

    הלא יהוה אלהיכם עמכם והניח לכם מסביב כי נתן בידי את ישבי הארץ ונכבשה הארץ לפני יהוה ולפני עמו׃

  20. 1 דִּבְרֵי הַיָּמִים כ״ג:כ״ה

    כי אמר דויד הניח יהוה אלהי ישראל לעמו וישכן בירושלם עד לעולם׃

  21. אִיּוֹב ל״ד:כ״ט

    והוא ישקט ומי ירשע ויסתר פנים ומי ישורנו ועל גוי ועל אדם יחד׃

  22. תְהִלִּים ט׳:י״ז

    ישובו רשעים לשאולה כל גוים שכחי אלהים׃

  23. תְהִלִּים כ״ט:י״א

    יהוה עז לעמו יתן יהוה יברך את עמו בשלום׃

  24. תְהִלִּים ל״ג:י״ב

    אשרי הגוי אשר יהוה אלהיו העם בחר לנחלה לו׃

  25. תְהִלִּים מ״ו:ט׳

    משבית מלחמות עד קצה הארץ קשת ישבר וקצץ חנית עגלות ישרף באש׃