פסוקים על Children

ויאמר בעוד הילד חי צמתי ואבכה כי אמרתי מי יודע יחנני יהוה וחי הילד׃

ועתה מת למה זה אני צם האוכל להשיבו עוד אני הלך אליו והוא לא ישוב אלי׃

ויביא עזרא הכהן את התורה לפני הקהל מאיש ועד אשה וכל מבין לשמע ביום אחד לחדש השביעי׃

ויקרא בו לפני הרחוב אשר לפני שער המים מן האור עד מחצית היום נגד האנשים והנשים והמבינים ואזני כל העם אל ספר התורה׃

והנה רוח גדולה באה מעבר המדבר ויגע בארבע פנות הבית ויפל על הנערים וימותו ואמלטה רק אני לבדי להגיד לך׃

ויקם איוב ויקרע את מעלו ויגז את ראשו ויפל ארצה וישתחו׃

ויאמר ערם יצתי מבטן אמי וערם אשוב שמה יהוה נתן ויהוה לקח יהי שם יהוה מברך׃

תאות ענוים שמעת יהוה תכין לבם תקשיב אזנך׃

לשפט יתום ודך בל יוסיף עוד לערץ אנוש מן הארץ׃

וחסד יהוה מעולם ועד עולם על יראיו וצדקתו לבני בנים׃

לשמרי בריתו ולזכרי פקדיו לעשותם׃

גבור בארץ יהיה זרעו דור ישרים יברך׃

הון ועשר בביתו וצדקתו עמדת לעד׃

הנה נחלת יהוה בנים שכר פרי הבטן׃

כחצים ביד גבור כן בני הנעורים׃

אשרי הגבר אשר מלא את אשפתו מהם לא יבשו כי ידברו את אויבים בשער׃

¶ שיר המעלות אשרי כל ירא יהוה ההלך בדרכיו׃

יגיע כפיך כי תאכל אשריך וטוב לך׃

אשתך כגפן פריה בירכתי ביתך בניך כשתלי זיתים סביב לשלחנך׃

הנה כי כן יברך גבר ירא יהוה׃

אל תמנע מנער מוסר כי תכנו בשבט לא ימות׃

אתה בשבט תכנו ונפשו משאול תציל׃

לא תחד אתם בקבורה כי ארצך שחת עמך הרגת לא יקרא לעולם זרע מרעים׃

הכינו לבניו מטבח בעון אבותם בל יקמו וירשו ארץ ומלאו פני תבל ערים׃

כי אצק מים על צמא ונזלים על יבשה אצק רוחי על זרעך וברכתי על צאצאיך׃