פסוקים על Children

257 פסוקים · 102 היבטים

פסוקי מפתח

סינון לפי ספר
  1. שְׁמֹות ב׳:ו׳

    ותפתח ותראהו את הילד והנה נער בכה ותחמל עליו ותאמר מילדי העברים זה׃

  2. שְׁמֹות ב׳:ז׳

    ותאמר אחתו אל בת פרעה האלך וקראתי לך אשה מינקת מן העברית ותינק לך את הילד׃

  3. שְׁמֹות ב׳:ח׳

    ותאמר לה בת פרעה לכי ותלך העלמה ותקרא את אם הילד׃

  4. שְׁמֹות ב׳:ט׳

    ותאמר לה בת פרעה היליכי את הילד הזה והינקהו לי ואני אתן את שכרך ותקח האשה הילד ותניקהו׃

  5. שְׁמֹות ב׳:י׳

    ויגדל הילד ותבאהו לבת פרעה ויהי לה לבן ותקרא שמו משה ותאמר כי מן המים משיתהו׃

  6. שְׁמֹות כ״א:ט״ו

    ומכה אביו ואמו מות יומת׃

  7. שְׁמֹות כ״א:ט״ז

    וגנב איש ומכרו ונמצא בידו מות יומת׃

  8. שְׁמֹות כ״א:י״ז

    ומקלל אביו ואמו מות יומת׃

  9. שְׁמֹות כ״ב:כ״ב

    כל אלמנה ויתום לא תענון׃

  10. שְׁמֹות כ״ב:כ״ג

    אם ענה תענה אתו כי אם צעק יצעק אלי שמע אשמע צעקתו׃

  11. שְׁמֹות כ״ב:כ״ד

    וחרה אפי והרגתי אתכם בחרב והיו נשיכם אלמנות ובניכם יתמים׃

  12. וַיִּקְרָא י״ב:א׳

    ¶ וידבר יהוה אל משה לאמר׃

  13. וַיִּקְרָא י״ב:ב׳

    דבר אל בני ישראל לאמר אשה כי תזריע וילדה זכר וטמאה שבעת ימים כימי נדת דותה תטמא׃

  14. וַיִּקְרָא י״ב:ג׳

    וביום השמיני ימול בשר ערלתו׃

  15. וַיִּקְרָא י״ב:ד׳

    ושלשים יום ושלשת ימים תשב בדמי טהרה בכל קדש לא תגע ואל המקדש לא תבא עד מלאת ימי טהרה׃

  16. וַיִּקְרָא י״ב:ה׳

    ואם נקבה תלד וטמאה שבעים כנדתה וששים יום וששת ימים תשב על דמי טהרה׃

  17. וַיִּקְרָא י״ב:ו׳

    ובמלאת ימי טהרה לבן או לבת תביא כבש בן שנתו לעלה ובן יונה או תר לחטאת אל פתח אהל מועד אל הכהן׃

  18. וַיִּקְרָא י״ב:ז׳

    והקריבו לפני יהוה וכפר עליה וטהרה ממקר דמיה זאת תורת הילדת לזכר או לנקבה׃

  19. וַיִּקְרָא י״ב:ח׳

    ואם לא תמצא ידה די שה ולקחה שתי תרים או שני בני יונה אחד לעלה ואחד לחטאת וכפר עליה הכהן וטהרה׃

  20. וַיִּקְרָא כ״ו:ל״ט

    והנשארים בכם ימקו בעונם בארצת איביכם ואף בעונת אבתם אתם ימקו׃

  21. וַיִּקְרָא כ״ו:מ׳

    והתודו את עונם ואת עון אבתם במעלם אשר מעלו בי ואף אשר הלכו עמי בקרי׃

  22. וַיִּקְרָא כ״ו:מ״א

    אף אני אלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם׃

  23. וַיִּקְרָא כ״ו:מ״ב

    וזכרתי את בריתי יעקוב ואף את בריתי יצחק ואף את בריתי אברהם אזכר והארץ אזכר׃

  24. וַיִּקְרָא כ״ו:מ״ד

    ואף גם זאת בהיותם בארץ איביהם לא מאסתים ולא געלתים לכלתם להפר בריתי אתם כי אני יהוה אלהיהם׃

  25. וַיִּקְרָא כ״ו:מ״ה

    וזכרתי להם ברית ראשנים אשר הוצאתי אתם מארץ מצרים לעיני הגוים להית להם לאלהים אני יהוה׃