פסוקים על Children: Of the righteous, Blessed of God

15 פסוקים · 102 היבטים

פסוקים על Of the righteous, Blessed of God

בְּרֵאשִׁית י״ז:ז׳
והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃
בְּרֵאשִׁית י״ז:ח׳
ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃
בְּרֵאשִׁית י״ט:ט״ו
וכמו השחר עלה ויאיצו המלאכים בלוט לאמר קום קח את אשתך ואת שתי בנתיך הנמצאת פן תספה בעון העיר׃
בְּרֵאשִׁית י״ט:ט״ז
ויתמהמה ויחזקו האנשים בידו וביד אשתו וביד שתי בנתיו בחמלת יהוה עליו ויצאהו וינחהו מחוץ לעיר׃
בְּרֵאשִׁית כ״ו:ג׳
גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השבעה אשר נשבעתי לאברהם אביך׃
בְּרֵאשִׁית כ״ו:ד׳
והרביתי את זרעך ככוכבי השמים ונתתי לזרעך את כל הארצת האל והתברכו בזרעך כל גויי הארץ׃
וַיִּקְרָא כ״ו:מ״ד
ואף גם זאת בהיותם בארץ איביהם לא מאסתים ולא געלתים לכלתם להפר בריתי אתם כי אני יהוה אלהיהם׃
וַיִּקְרָא כ״ו:מ״ה
וזכרתי להם ברית ראשנים אשר הוצאתי אתם מארץ מצרים לעיני הגוים להית להם לאלהים אני יהוה׃
תְהִלִּים ק״ג:י״ז
וחסד יהוה מעולם ועד עולם על יראיו וצדקתו לבני בנים׃
תְהִלִּים ק״ג:י״ח
לשמרי בריתו ולזכרי פקדיו לעשותם׃
תְהִלִּים קי״ב:ב׳
גבור בארץ יהיה זרעו דור ישרים יברך׃
תְהִלִּים קי״ב:ג׳
הון ועשר בביתו וצדקתו עמדת לעד׃
יְשַׁעְיָהוּ מ״ד:ג׳
כי אצק מים על צמא ונזלים על יבשה אצק רוחי על זרעך וברכתי על צאצאיך׃
יְשַׁעְיָהוּ מ״ד:ד׳
וצמחו בבין חציר כערבים על יבלי מים׃
יְשַׁעְיָהוּ מ״ד:ה׳
זה יאמר ליהוה אני וזה יקרא בשם יעקב וזה יכתב ידו ליהוה ובשם ישראל יכנה׃