פסוקים על Chastity

ויהי אחר הדברים האלה ותשא אשת אדניו את עיניה אל יוסף ותאמר שכבה עמי׃

וימאן ויאמר אל אשת אדניו הן אדני לא ידע אתי מה בבית וכל אשר יש לו נתן בידי׃

איננו גדול בבית הזה ממני ולא חשך ממני מאומה כי אם אותך באשר את אשתו ואיך אעשה הרעה הגדלה הזאת וחטאתי לאלהים׃

ויהי כדברה אל יוסף יום יום ולא שמע אליה לשכב אצלה להיות עמה׃

ויהי לעת הערב ויקם דוד מעל משכבו ויתהלך על גג בית המלך וירא אשה רחצת מעל הגג והאשה טובת מראה מאד׃

וישלח דוד וידרש לאשה ויאמר הלוא זאת בת שבע בת אליעם אשת אוריה החתי׃

וישלח דוד מלאכים ויקחה ותבוא אליו וישכב עמה והיא מתקדשת מטמאתה ותשב אל ביתה׃

כי תבוא חכמה בלבך ודעת לנפשך ינעם׃

מזמה תשמר עליך תבונה תנצרכה׃

להצילך מאשה זרה מנכריה אמריה החליקה׃

העזבת אלוף נעוריה ואת ברית אלהיה שכחה׃

כי שחה אל מות ביתה ואל רפאים מעגלתיה׃

כל באיה לא ישובון ולא ישיגו ארחות חיים׃

למען תלך בדרך טובים וארחות צדיקים תשמר׃

כי ישרים ישכנו ארץ ותמימים יותרו בה׃

ורשעים מארץ יכרתו ובוגדים יסחו ממנה׃

שתה מים מבורך ונזלים מתוך בארך׃

יפוצו מעינתיך חוצה ברחבות פלגי מים׃

יהיו לך לבדך ואין לזרים אתך׃

יהי מקורך ברוך ושמח מאשת נעורך׃

אילת אהבים ויעלת חן דדיה ירוך בכל עת באהבתה תשגה תמיד׃

ולמה תשגה בני בזרה ותחבק חק נכריה׃

כי נכח עיני יהוה דרכי איש וכל מעגלתיו מפלס׃

לשמרך מאשת רע מחלקת לשון נכריה׃

אל תחמד יפיה בלבבך ואל תקחך בעפעפיה׃