פסוקים על Chastity: General references

כי תבוא חכמה בלבך ודעת לנפשך ינעם׃

מזמה תשמר עליך תבונה תנצרכה׃

להצילך מאשה זרה מנכריה אמריה החליקה׃

העזבת אלוף נעוריה ואת ברית אלהיה שכחה׃

כי שחה אל מות ביתה ואל רפאים מעגלתיה׃

כל באיה לא ישובון ולא ישיגו ארחות חיים׃

למען תלך בדרך טובים וארחות צדיקים תשמר׃

כי ישרים ישכנו ארץ ותמימים יותרו בה׃

ורשעים מארץ יכרתו ובוגדים יסחו ממנה׃

שתה מים מבורך ונזלים מתוך בארך׃

יפוצו מעינתיך חוצה ברחבות פלגי מים׃

יהיו לך לבדך ואין לזרים אתך׃

יהי מקורך ברוך ושמח מאשת נעורך׃

אילת אהבים ויעלת חן דדיה ירוך בכל עת באהבתה תשגה תמיד׃

ולמה תשגה בני בזרה ותחבק חק נכריה׃

כי נכח עיני יהוה דרכי איש וכל מעגלתיו מפלס׃

לשמרך מאשת רע מחלקת לשון נכריה׃

אל תחמד יפיה בלבבך ואל תקחך בעפעפיה׃

¶ בני שמר אמרי ומצותי תצפן אתך׃

שמר מצותי וחיה ותורתי כאישון עיניך׃

קשרם על אצבעתיך כתבם על לוח לבך׃

אמר לחכמה אחתי את ומדע לבינה תקרא׃

לשמרך מאשה זרה מנכריה אמריה החליקה׃

המאכל לכרש והכרש למאכל והאלהים את זה ואת זה ילכה והגוף אל יהי לזנות כי אם לאדון והאדון לגוף׃

והאלהים העיר גם את אדנינו ויעיר גם אתכם בגבורתו׃