פסוקים על Araunah

20 פסוקים · 2 היבטים

פסוקי מפתח

  1. 2 שְׁמוּאֵל כ״ד:ט״ז

    וישלח ידו המלאך ירושלם לשחתה וינחם יהוה אל הרעה ויאמר למלאך המשחית בעם רב עתה הרף ידך ומלאך יהוה היה עם גרן האורנה היבסי׃

  2. 2 שְׁמוּאֵל כ״ד:י״ז

    ויאמר דוד אל יהוה בראתו את המלאך המכה בעם ויאמר הנה אנכי חטאתי ואנכי העויתי ואלה הצאן מה עשו תהי נא ידך בי ובבית אבי׃

  3. 2 שְׁמוּאֵל כ״ד:י״ח

    ויבא גד אל דוד ביום ההוא ויאמר לו עלה הקם ליהוה מזבח בגרן ארניה היבסי׃

  4. 2 שְׁמוּאֵל כ״ד:י״ט

    ויעל דוד כדבר גד כאשר צוה יהוה׃

  5. 2 שְׁמוּאֵל כ״ד:כ׳

    וישקף ארונה וירא את המלך ואת עבדיו עברים עליו ויצא ארונה וישתחו למלך אפיו ארצה׃

  6. 2 שְׁמוּאֵל כ״ד:כ״א

    ויאמר ארונה מדוע בא אדני המלך אל עבדו ויאמר דוד לקנות מעמך את הגרן לבנות מזבח ליהוה ותעצר המגפה מעל העם׃

  7. 2 שְׁמוּאֵל כ״ד:כ״ב

    ויאמר ארונה אל דוד יקח ויעל אדני המלך הטוב בעינו ראה הבקר לעלה והמרגים וכלי הבקר לעצים׃

  8. 2 שְׁמוּאֵל כ״ד:כ״ג

    הכל נתן ארונה המלך למלך ויאמר ארונה אל המלך יהוה אלהיך ירצך׃

  9. 2 שְׁמוּאֵל כ״ד:כ״ד

    ויאמר המלך אל ארונה לא כי קנו אקנה מאותך במחיר ולא אעלה ליהוה אלהי עלות חנם ויקן דוד את הגרן ואת הבקר בכסף שקלים חמשים׃

  10. 1 דִּבְרֵי הַיָּמִים כ״א:ט״ו

    וישלח האלהים מלאך לירושלם להשחיתה וכהשחית ראה יהוה וינחם על הרעה ויאמר למלאך המשחית רב עתה הרף ידך ומלאך יהוה עמד עם גרן ארנן היבוסי׃

  11. 1 דִּבְרֵי הַיָּמִים כ״א:ט״ז

    וישא דויד את עיניו וירא את מלאך יהוה עמד בין הארץ ובין השמים וחרבו שלופה בידו נטויה על ירושלם ויפל דויד והזקנים מכסים בשקים על פניהם׃

  12. 1 דִּבְרֵי הַיָּמִים כ״א:י״ז

    ויאמר דויד אל האלהים הלא אני אמרתי למנות בעם ואני הוא אשר חטאתי והרע הרעותי ואלה הצאן מה עשו יהוה אלהי תהי נא ידך בי ובבית אבי ובעמך לא למגפה׃

  13. 1 דִּבְרֵי הַיָּמִים כ״א:י״ח

    ומלאך יהוה אמר אל גד לאמר לדויד כי יעלה דויד להקים מזבח ליהוה בגרן ארנן היבסי׃

  14. 1 דִּבְרֵי הַיָּמִים כ״א:י״ט

    ויעל דויד בדבר גד אשר דבר בשם יהוה׃

  15. 1 דִּבְרֵי הַיָּמִים כ״א:כ׳

    וישב ארנן וירא את המלאך וארבעת בניו עמו מתחבאים וארנן דש חטים׃

  16. 1 דִּבְרֵי הַיָּמִים כ״א:כ״א

    ויבא דויד עד ארנן ויבט ארנן וירא את דויד ויצא מן הגרן וישתחו לדויד אפים ארצה׃

  17. 1 דִּבְרֵי הַיָּמִים כ״א:כ״ב

    ויאמר דויד אל ארנן תנה לי מקום הגרן ואבנה בו מזבח ליהוה בכסף מלא תנהו לי ותעצר המגפה מעל העם׃

  18. 1 דִּבְרֵי הַיָּמִים כ״א:כ״ג

    ויאמר ארנן אל דויד קח לך ויעש אדני המלך הטוב בעיניו ראה נתתי הבקר לעלות והמורגים לעצים והחטים למנחה הכל נתתי׃

  19. 1 דִּבְרֵי הַיָּמִים כ״א:כ״ד

    ויאמר המלך דויד לארנן לא כי קנה אקנה בכסף מלא כי לא אשא אשר לך ליהוה והעלות עולה חנם׃

  20. 1 דִּבְרֵי הַיָּמִים כ״א:כ״ה

    ויתן דויד לארנן במקום שקלי זהב משקל שש מאות׃