פסוקים על Apostles

ויען ישוע ויאמר לא ידעתם את אשר שאלתם היכל תוכלו שתות את הכוס אשר אני עתיד לשתותו והטבל בטבילה אשר אני נבטל בה ויאמרו אליו נוכל׃

לכו ועשו לתלמידים את כל הגוים וטבלתם אתם לשם האב והבן ורוח הקדש׃

ולמדתם אתם לשמר את כל אשר צויתי אתכם והנה אנכי אתכם כל הימים עד קץ העולם אמן׃

ויעל אל ההר ויקרא אל אשר הוא חפץ בם ויבאו אליו׃

וישם שנים עשר איש למען יהיו אתו ולמען ישלחם לקרא׃

והיה להם השלטן לרפא את התחלאים ולגרש את השדים׃

ויכנה את שמעון בשם פטרוס׃

ואת יעקב בן זבדי ואת יוחנן אחי יעקב ויכנה אתם בשם בני רגוש הוא בני רעם׃

ואת אנדרי ואת פילפוס ואת בר תלמי ואת מתי ואת תומא ואת יעקב בן חלפי ואת תדי ואת שמעון הקני׃

ואת יהודה איש קריות אשר גם מסרו׃

ויקרא אל שנים העשר ויחל לשלח אותם שנים שנים ויתן להם שלטן על רוחות הטמאה׃

ויצו אותם אשר לא ישאו מאומה לדרך זולתי מקל לבדו לא תרמיל ולא לחם ולא נחשת בחגורה׃

רק להיות נעולי סנדל ושתי כתנות לא ילבשו׃

ויאמר אליהם במקום אשר תבאו בית איש שבו בו עד כי תצאו משם׃

וכל אשר לא יקבלו אתכם ולא ישמעו אליכם צאו משם ונערו את עפר כפות רגליכם לעדות להם אמן אני אמר לכם לסדם ולעמרה יקל ביום הדין מן העיר ההיא׃

וירד אליהם אל האניה והרוח שככה וישתוממו עוד יותר בלבבם ויתמהו׃

כי לא השכילו בדבר ככרות הלחם מפני טמטום לבבם׃

וידע ישוע ויאמר להם מה תחשבו על כי לחם אין לכם העוד לא תשכילו ולא תבינו ולבכם עודנו מטמטם׃

עינים לכם ולא תראו ואזנים לכם ולא תשמעו ולא תזכרו׃

וירדו מן ההר ויזהירם לבלתי הגיד לאיש את אשר ראו עד כי יקום בן האדם מן המתים׃

וישמרו את הדבר בלבבם וידרשו לדעת מה היא התקומה מן המתים׃

כי היה מלמד את תלמידיו לאמר אליהם כי עתיד בן האדם להמסר בידי בני אדם ויהרגהו ואחרי אשר נהרג יקום ביום השלישי׃

והם לא הבינו את הדבר וייראו לשאל אותו׃

ויביאו אליו ילדים למען יגע בהם ויגערו התלמידים במביאיהם׃

וירא ישוע ויכעס ויאמר אליהם הניחו לילדים לבוא אלי ואל תמנעום כי לאלה מלכות האלהים׃