פסוקים על Apostles: Selection of

ויהי בהתהלכו על יד ים הגליל וירא שני אנשים אחים את שמעון הנקרא פטרוס ואת אנדרי אחיו והמה משליכים מצודה בים כי דיגים היו׃

ויאמר אליהם לכו אחרי ואשימכם לדיגי אנשים׃

ויעזבו מהרה את המכמרות וילכו אחריו׃

ויהי כעברו משם וירא שני אנשים אחים אחרים את יעקב בן זבדי ואת יוחנן אחיו באניה עם זבדי אביהם מתקנים את מכמרותם ויקרא אליהם׃

ויעזבו מיד את האניה ואת אביהם וילכו אחריו׃

ויהי בעבר ישוע משם וירא איש ישב בבית המכס ושמו מתי ויאמר אליו לכה אחרי ויקם וילך אחריך׃

ויהי בהסבו בביתו והנה מוכסים וחטאים רבים באו ויסבו עם ישוע ותלמידיו׃

ואלה שמות שנים עשר השליחים הראשון שמעון הנקרא פטרוס ואנדרי אחיו יעקב בן זבדי ויוחנן אחיו׃

פילפוס ובר תלמי תומא ומתי המוכס יעקב בן חלפי ולבי המכנה תדי׃

שמעון הקני ויהודה איש קריות אשר גם מסר אתו׃

ויעל אל ההר ויקרא אל אשר הוא חפץ בם ויבאו אליו׃

וישם שנים עשר איש למען יהיו אתו ולמען ישלחם לקרא׃

והיה להם השלטן לרפא את התחלאים ולגרש את השדים׃

ויכנה את שמעון בשם פטרוס׃

ואת יעקב בן זבדי ואת יוחנן אחי יעקב ויכנה אתם בשם בני רגוש הוא בני רעם׃

ואת אנדרי ואת פילפוס ואת בר תלמי ואת מתי ואת תומא ואת יעקב בן חלפי ואת תדי ואת שמעון הקני׃

ואת יהודה איש קריות אשר גם מסרו׃

ובהית הבקר אסף אליו את תלמידיו ויבחר מהם שנים עשר אשר גם קרא להם שליחים׃

את שמעון אשר גם קראו פטרוס ואת אנדרי אחיו את יעקב ואת יוחנן את פילפוס ואת בר תלמי׃

את מתי ואת תומא ואת יעקב בן חלפי ואת שמעון המכנה הקנא׃

את יהודה בן יעקב ואת יהודה איש קריות אשר גם היה למוסר׃