פסוקים על Apostles

ובהית הבקר אסף אליו את תלמידיו ויבחר מהם שנים עשר אשר גם קרא להם שליחים׃

את שמעון אשר גם קראו פטרוס ואת אנדרי אחיו את יעקב ואת יוחנן את פילפוס ואת בר תלמי׃

את מתי ואת תומא ואת יעקב בן חלפי ואת שמעון המכנה הקנא׃

את יהודה בן יעקב ואת יהודה איש קריות אשר גם היה למוסר׃

¶ ויקרא אל שנים העשר ויתן להם גבורה ושלטן על כל השדים ולרפא חליים׃

וישלחם לקרא את מלכות האלהים ולרפא את החלים׃

ויאמר להם אל תקחו מאומה לדרך לא מטות ולא תרמיל ולא לחם ולא כסף ואל יהיה לאיש מכם שתי כתנות׃

והבית אשר תבאו בו שם שבו לכם ומשם צאו׃

וכל אשר לא יקבלו אתכם צאו מן העיר ההיא ונערו את העפר מעל רגליכם לעדות בהם׃

שימו אתם באזניכם את הדברים האלה כי עתיד בן האדם להמסר בידי בני האדם׃

והמה לא הבינו את המאמר הזה ונעלם הוא מדעתם וייראו לשאל אתו על המאמר הזה׃

ויאמרו יעקב ויוחנן תלמידיו כראותם זאת לאמר אדנינו התרצה ונאמר כי תרד אש מן השמים ותאכלם כאשר עשה גם אליהו׃

ויפן ויגער בם ויאמר הלא ידעתם בני רוח מי אתם׃

ואתם הם העמדים עמדי עד עתה בנסיונתי׃

לכן אני מנחיל אתכם כאשר הנחילני אבי את המלכות׃

למען תאכלו ותשתו על שלחני במלכותי וישבתם על כסאות לשפט את שנים עשר שבטי ישראל׃

ויאמר אליהם יש לי אכל לאכל אשר אתם לא ידעתם׃

ויאמרו התלמידים איש אל רעהו הכי הביא לו איש לאכל׃

ויאמרו תלמידיו אדני אם ישן הוא יושע׃

וישוע דבר על מותו והמה חשבו כי על מנוחת השנה דבר׃

ויקרב אל שמעון פטרוס והוא אמר אליו אדני האתה תרחץ את רגלי׃

ויען ישוע ויאמר אליו את אשר אני עשה אינך ידע כעת ואחרי כן תדע׃

ויאמר אליו פטרוס לעולם לא תרחץ את רגלי ויען ישוע אם לא ארחץ אתך אין לך חלק עמי׃

ויאמר אליו תומא אדני לא ידענו אנה אתה הלך ואיככה נדע את הדרך׃

ויאמר אליו ישוע אנכי הנני הדרך והאמת והחיים לא יבא איש אל האב כי אם על ידי׃