circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

2 שְׁמוּאֵל א׳:כ״ובערך תנ״ג לפנה״ס
צר לי עליך אחי יהונתן נעמת לי מאד נפלאתה אהבתך לי מאהבת נשים׃
2 שְׁמוּאֵל א׳:כ״זבערך תנ״ג לפנה״ס
איך נפלו גבורים ויאבדו כלי מלחמה׃
2 שְׁמוּאֵל ב׳:א׳
¶ ויהי אחרי כן וישאל דוד ביהוה לאמר האעלה באחת ערי יהודה ויאמר יהוה אליו עלה ויאמר דוד אנה אעלה ויאמר חברנה׃
2 שְׁמוּאֵל ב׳:ב׳
ויעל שם דוד וגם שתי נשיו אחינעם היזרעלית ואביגיל אשת נבל הכרמלי׃
2 שְׁמוּאֵל ב׳:ג׳
ואנשיו אשר עמו העלה דוד איש וביתו וישבו בערי חברון׃
2 שְׁמוּאֵל ב׳:ד׳
ויבאו אנשי יהודה וימשחו שם את דוד למלך על בית יהודה ויגדו לדוד לאמר אנשי יביש גלעד אשר קברו את שאול׃
2 שְׁמוּאֵל ב׳:ה׳
וישלח דוד מלאכים אל אנשי יביש גלעד ויאמר אליהם ברכים אתם ליהוה אשר עשיתם החסד הזה עם אדניכם עם שאול ותקברו אתו׃
2 שְׁמוּאֵל ב׳:ו׳
ועתה יעש יהוה עמכם חסד ואמת וגם אנכי אעשה אתכם הטובה הזאת אשר עשיתם הדבר הזה׃
2 שְׁמוּאֵל ב׳:ז׳
ועתה תחזקנה ידיכם והיו לבני חיל כי מת אדניכם שאול וגם אתי משחו בית יהודה למלך עליהם׃
2 שְׁמוּאֵל ב׳:ח׳
ואבנר בן נר שר צבא אשר לשאול לקח את איש בשת בן שאול ויעברהו מחנים׃
2 שְׁמוּאֵל ב׳:ט׳
וימלכהו אל הגלעד ואל האשורי ואל יזרעאל ועל אפרים ועל בנימן ועל ישראל כלה׃
2 שְׁמוּאֵל ב׳:י׳
בן ארבעים שנה איש בשת בן שאול במלכו על ישראל ושתים שנים מלך אך בית יהודה היו אחרי דוד׃
2 שְׁמוּאֵל ב׳:י״א
ויהי מספר הימים אשר היה דוד מלך בחברון על בית יהודה שבע שנים וששה חדשים׃
2 שְׁמוּאֵל ב׳:י״בבערך תנ״ג לפנה״ס
ויצא אבנר בן נר ועבדי איש בשת בן שאול ממחנים גבעונה׃
2 שְׁמוּאֵל ב׳:י״גבערך תנ״ג לפנה״ס
ויואב בן צרויה ועבדי דוד יצאו ויפגשום על ברכת גבעון יחדו וישבו אלה על הברכה מזה ואלה על הברכה מזה׃
2 שְׁמוּאֵל ב׳:י״דבערך תנ״ג לפנה״ס
ויאמר אבנר אל יואב יקומו נא הנערים וישחקו לפנינו ויאמר יואב יקמו׃
2 שְׁמוּאֵל ב׳:ט״ובערך תנ״ג לפנה״ס
ויקמו ויעברו במספר שנים עשר לבנימן ולאיש בשת בן שאול ושנים עשר מעבדי דוד׃
2 שְׁמוּאֵל ב׳:ט״זבערך תנ״ג לפנה״ס
ויחזקו איש בראש רעהו וחרבו בצד רעהו ויפלו יחדו ויקרא למקום ההוא חלקת הצרים אשר בגבעון׃
2 שְׁמוּאֵל ב׳:י״זבערך תנ״ג לפנה״ס
ותהי המלחמה קשה עד מאד ביום ההוא וינגף אבנר ואנשי ישראל לפני עבדי דוד׃
2 שְׁמוּאֵל ב׳:י״חבערך תנ״ג לפנה״ס
ויהיו שם שלשה בני צרויה יואב ואבישי ועשהאל ועשהאל קל ברגליו כאחד הצבים אשר בשדה׃
2 שְׁמוּאֵל ב׳:י״טבערך תנ״ג לפנה״ס
וירדף עשהאל אחרי אבנר ולא נטה ללכת על הימין ועל השמאול מאחרי אבנר׃
2 שְׁמוּאֵל ב׳:כ׳בערך תנ״ג לפנה״ס
ויפן אבנר אחריו ויאמר האתה זה עשהאל ויאמר אנכי׃
2 שְׁמוּאֵל ב׳:כ״אבערך תנ״ג לפנה״ס
ויאמר לו אבנר נטה לך על ימינך או על שמאלך ואחז לך אחד מהנערים וקח לך את חלצתו ולא אבה עשהאל לסור מאחריו׃
2 שְׁמוּאֵל ב׳:כ״בבערך תנ״ג לפנה״ס
ויסף עוד אבנר לאמר אל עשהאל סור לך מאחרי למה אככה ארצה ואיך אשא פני אל יואב אחיך׃
2 שְׁמוּאֵל ב׳:כ״גבערך תנ״ג לפנה״ס
וימאן לסור ויכהו אבנר באחרי החנית אל החמש ותצא החנית מאחריו ויפל שם וימת תחתו ויהי כל הבא אל המקום אשר נפל שם עשהאל וימת ויעמדו׃

מציג 26–50 מתוך 1,230 פסוקים

הקודם 1 2 3 4...50 הבא