TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 605–538 BC
The Babylonian Exile
Jerusalem falls and the temple burns; Ezekiel and Daniel minister among the exiles as Lamentations mourns the city's ruin.
פסוקים מתקופה זו
- יְחֶזְקֵאל א׳:כ״בבערך תקצ״ה לפנה״ס
ודמות על ראשי החיה רקיע כעין הקרח הנורא נטוי על ראשיהם מלמעלה׃
- יְחֶזְקֵאל א׳:כ״גבערך תקצ״ה לפנה״ס
ותחת הרקיע כנפיהם ישרות אשה אל אחותה לאיש שתים מכסות להנה ולאיש שתים מכסות להנה את גויתיהם׃
- יְחֶזְקֵאל א׳:כ״דבערך תקצ״ה לפנה״ס
ואשמע את קול כנפיהם כקול מים רבים כקול שדי בלכתם קול המלה כקול מחנה בעמדם תרפינה כנפיהן׃
- יְחֶזְקֵאל א׳:כ״הבערך תקצ״ה לפנה״ס
ויהי קול מעל לרקיע אשר על ראשם בעמדם תרפינה כנפיהן׃
- יְחֶזְקֵאל א׳:כ״ובערך תקצ״ה לפנה״ס
וממעל לרקיע אשר על ראשם כמראה אבן ספיר דמות כסא ועל דמות הכסא דמות כמראה אדם עליו מלמעלה׃
- יְחֶזְקֵאל א׳:כ״זבערך תקצ״ה לפנה״ס
וארא כעין חשמל כמראה אש בית לה סביב ממראה מתניו ולמעלה וממראה מתניו ולמטה ראיתי כמראה אש ונגה לו סביב׃
- יְחֶזְקֵאל א׳:כ״חבערך תקצ״ה לפנה״ס
כמראה הקשת אשר יהיה בענן ביום הגשם כן מראה הנגה סביב הוא מראה דמות כבוד יהוה ואראה ואפל על פני ואשמע קול מדבר׃
- יְחֶזְקֵאל ב׳:א׳בערך תקצ״ה לפנה״ס
¶ ויאמר אלי בן אדם עמד על רגליך ואדבר אתך׃
- יְחֶזְקֵאל ב׳:ב׳בערך תקצ״ה לפנה״ס
ותבא בי רוח כאשר דבר אלי ותעמדני על רגלי ואשמע את מדבר אלי׃
- יְחֶזְקֵאל ב׳:ג׳בערך תקצ״ה לפנה״ס
ויאמר אלי בן אדם שולח אני אותך אל בני ישראל אל גוים המורדים אשר מרדו בי המה ואבותם פשעו בי עד עצם היום הזה׃
- יְחֶזְקֵאל ב׳:ד׳בערך תקצ״ה לפנה״ס
והבנים קשי פנים וחזקי לב אני שולח אותך אליהם ואמרת אליהם כה אמר אדני יהוה׃
- יְחֶזְקֵאל ב׳:ה׳בערך תקצ״ה לפנה״ס
והמה אם ישמעו ואם יחדלו כי בית מרי המה וידעו כי נביא היה בתוכם׃
- יְחֶזְקֵאל ב׳:ו׳בערך תקצ״ה לפנה״ס
ואתה בן אדם אל תירא מהם ומדבריהם אל תירא כי סרבים וסלונים אותך ואל עקרבים אתה יושב מדבריהם אל תירא ומפניהם אל תחת כי בית מרי המה׃
- יְחֶזְקֵאל ב׳:ז׳בערך תקצ״ה לפנה״ס
ודברת את דברי אליהם אם ישמעו ואם יחדלו כי מרי המה׃
- יְחֶזְקֵאל ב׳:ח׳בערך תקצ״ה לפנה״ס
ואתה בן אדם שמע את אשר אני מדבר אליך אל תהי מרי כבית המרי פצה פיך ואכל את אשר אני נתן אליך׃
- יְחֶזְקֵאל ב׳:ט׳בערך תקצ״ה לפנה״ס
ואראה והנה יד שלוחה אלי והנה בו מגלת ספר׃
- יְחֶזְקֵאל ב׳:י׳בערך תקצ״ה לפנה״ס
ויפרש אותה לפני והיא כתובה פנים ואחור וכתוב אליה קנים והגה והי׃
- יְחֶזְקֵאל ג׳:א׳בערך תקצ״ה לפנה״ס
¶ ויאמר אלי בן אדם את אשר תמצא אכול אכול את המגלה הזאת ולך דבר אל בית ישראל׃
- יְחֶזְקֵאל ג׳:ב׳בערך תקצ״ה לפנה״ס
ואפתח את פי ויאכלני את המגלה הזאת׃
- יְחֶזְקֵאל ג׳:ג׳בערך תקצ״ה לפנה״ס
ויאמר אלי בן אדם בטנך תאכל ומעיך תמלא את המגלה הזאת אשר אני נתן אליך ואכלה ותהי בפי כדבש למתוק׃
- יְחֶזְקֵאל ג׳:ד׳בערך תקצ״ה לפנה״ס
ויאמר אלי בן אדם לך בא אל בית ישראל ודברת בדברי אליהם׃
- יְחֶזְקֵאל ג׳:ה׳בערך תקצ״ה לפנה״ס
כי לא אל עם עמקי שפה וכבדי לשון אתה שלוח אל בית ישראל׃
- יְחֶזְקֵאל ג׳:ו׳בערך תקצ״ה לפנה״ס
לא אל עמים רבים עמקי שפה וכבדי לשון אשר לא תשמע דבריהם אם לא אליהם שלחתיך המה ישמעו אליך׃
- יְחֶזְקֵאל ג׳:ז׳בערך תקצ״ה לפנה״ס
ובית ישראל לא יאבו לשמע אליך כי אינם אבים לשמע אלי כי כל בית ישראל חזקי מצח וקשי לב המה׃
- יְחֶזְקֵאל ג׳:ח׳בערך תקצ״ה לפנה״ס
הנה נתתי את פניך חזקים לעמת פניהם ואת מצחך חזק לעמת מצחם׃