circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

יְחֶזְקֵאל כ״ה:ג׳בערך תק״צ לפנה״ס
ואמרת לבני עמון שמעו דבר אדני יהוה כה אמר אדני יהוה יען אמרך האח אל מקדשי כי נחל ואל אדמת ישראל כי נשמה ואל בית יהודה כי הלכו בגולה׃
יְחֶזְקֵאל כ״ה:ד׳בערך תק״צ לפנה״ס
לכן הנני נתנך לבני קדם למורשה וישבו טירותיהם בך ונתנו בך משכניהם המה יאכלו פריך והמה ישתו חלבך׃
יְחֶזְקֵאל כ״ה:ה׳בערך תק״צ לפנה״ס
ונתתי את רבה לנוה גמלים ואת בני עמון למרבץ צאן וידעתם כי אני יהוה׃
יְחֶזְקֵאל כ״ה:ו׳בערך תק״צ לפנה״ס
כי כה אמר אדני יהוה יען מחאך יד ורקעך ברגל ותשמח בכל שאטך בנפש אל אדמת ישראל׃
יְחֶזְקֵאל כ״ה:ז׳בערך תק״צ לפנה״ס
לכן הנני נטיתי את ידי עליך ונתתיך לבג לגוים והכרתיך מן העמים והאבדתיך מן הארצות אשמידך וידעת כי אני יהוה׃
יְחֶזְקֵאל כ״ה:ח׳בערך תק״צ לפנה״ס
כה אמר אדני יהוה יען אמר מואב ושעיר הנה ככל הגוים בית יהודה׃
יְחֶזְקֵאל כ״ה:ט׳בערך תק״צ לפנה״ס
לכן הנני פתח את כתף מואב מהערים מעריו מקצהו צבי ארץ בית הישימת בעל מעון וקריתמה׃
יְחֶזְקֵאל כ״ה:י׳בערך תק״צ לפנה״ס
לבני קדם על בני עמון ונתתיה למורשה למען לא תזכר בני עמון בגוים׃
יְחֶזְקֵאל כ״ה:י״אבערך תק״צ לפנה״ס
ובמואב אעשה שפטים וידעו כי אני יהוה׃
יְחֶזְקֵאל כ״ה:י״בבערך תק״צ לפנה״ס
כה אמר אדני יהוה יען עשות אדום בנקם נקם לבית יהודה ויאשמו אשום ונקמו בהם׃
יְחֶזְקֵאל כ״ה:י״גבערך תק״צ לפנה״ס
לכן כה אמר אדני יהוה ונטתי ידי על אדום והכרתי ממנה אדם ובהמה ונתתיה חרבה מתימן ודדנה בחרב יפלו׃
יְחֶזְקֵאל כ״ה:י״דבערך תק״צ לפנה״ס
ונתתי את נקמתי באדום ביד עמי ישראל ועשו באדום כאפי וכחמתי וידעו את נקמתי נאם אדני יהוה׃
יְחֶזְקֵאל כ״ה:ט״ובערך תק״צ לפנה״ס
כה אמר אדני יהוה יען עשות פלשתים בנקמה וינקמו נקם בשאט בנפש למשחית איבת עולם׃
יְחֶזְקֵאל כ״ה:ט״זבערך תק״צ לפנה״ס
לכן כה אמר אדני יהוה הנני נוטה ידי על פלשתים והכרתי את כרתים והאבדתי את שארית חוף הים׃
יְחֶזְקֵאל כ״ה:י״זבערך תק״צ לפנה״ס
ועשיתי בם נקמות גדלות בתוכחות חמה וידעו כי אני יהוה בתתי את נקמתי בם׃
יְחֶזְקֵאל כ״ו:א׳בערך תקפ״ח לפנה״ס
¶ ויהי בעשתי עשרה שנה באחד לחדש היה דבר יהוה אלי לאמר׃
יְחֶזְקֵאל כ״ו:ב׳בערך תקפ״ח לפנה״ס
בן אדם יען אשר אמרה צר על ירושלם האח נשברה דלתות העמים נסבה אלי אמלאה החרבה׃
יְחֶזְקֵאל כ״ו:ג׳בערך תקפ״ח לפנה״ס
לכן כה אמר אדני יהוה הנני עליך צר והעליתי עליך גוים רבים כהעלות הים לגליו׃
יְחֶזְקֵאל כ״ו:ד׳בערך תקפ״ח לפנה״ס
ושחתו חמות צר והרסו מגדליה וסחיתי עפרה ממנה ונתתי אותה לצחיח סלע׃
יְחֶזְקֵאל כ״ו:ה׳בערך תקפ״ח לפנה״ס
משטח חרמים תהיה בתוך הים כי אני דברתי נאם אדני יהוה והיתה לבז לגוים׃
יְחֶזְקֵאל כ״ו:ו׳בערך תקפ״ח לפנה״ס
ובנותיה אשר בשדה בחרב תהרגנה וידעו כי אני יהוה׃
יְחֶזְקֵאל כ״ו:ז׳בערך תקפ״ח לפנה״ס
כי כה אמר אדני יהוה הנני מביא אל צר נבוכדראצר מלך בבל מצפון מלך מלכים בסוס וברכב ובפרשים וקהל ועם רב׃
יְחֶזְקֵאל כ״ו:ח׳בערך תקפ״ח לפנה״ס
בנותיך בשדה בחרב יהרג ונתן עליך דיק ושפך עליך סללה והקים עליך צנה׃
יְחֶזְקֵאל כ״ו:ט׳בערך תקפ״ח לפנה״ס
ומחי קבלו יתן בחמותיך ומגדלתיך יתץ בחרבותיו׃
יְחֶזְקֵאל כ״ו:י׳בערך תקפ״ח לפנה״ס
משפעת סוסיו יכסך אבקם מקול פרש וגלגל ורכב תרעשנה חומותיך בבאו בשעריך כמבואי עיר מבקעה׃

מציג 776–800 מתוך 1,784 פסוקים

הקודם 1...30 31 32 33 34...72 הבא