Israel

1,007 פסוקים · 20 בני משפחה

ידוע גם בשם: Jacob

פסוקים המזכירים את Israel

סינון לפי ספר
  1. שְׁמֹות כ״ד:ט׳

    ויעל משה ואהרן נדב ואביהוא ושבעים מזקני ישראל׃

  2. שְׁמֹות כ״ד:י׳

    ויראו את אלהי ישראל ותחת רגליו כמעשה לבנת הספיר וכעצם השמים לטהר׃

  3. שְׁמֹות כ״ד:י״א

    ואל אצילי בני ישראל לא שלח ידו ויחזו את האלהים ויאכלו וישתו׃

  4. שְׁמֹות כ״ד:י״ז

    ומראה כבוד יהוה כאש אכלת בראש ההר לעיני בני ישראל׃

  5. שְׁמֹות כ״ה:ב׳

    דבר אל בני ישראל ויקחו לי תרומה מאת כל איש אשר ידבנו לבו תקחו את תרומתי׃

  6. שְׁמֹות כ״ה:כ״ב

    ונועדתי לך שם ודברתי אתך מעל הכפרת מבין שני הכרבים אשר על ארן העדת את כל אשר אצוה אותך אל בני ישראל׃

  7. שְׁמֹות כ״ז:כ׳

    ואתה תצוה את בני ישראל ויקחו אליך שמן זית זך כתית למאור להעלת נר תמיד׃

  8. שְׁמֹות כ״ז:כ״א

    באהל מועד מחוץ לפרכת אשר על העדת יערך אתו אהרן ובניו מערב עד בקר לפני יהוה חקת עולם לדרתם מאת בני ישראל׃

  9. שְׁמֹות כ״ח:א׳

    ¶ ואתה הקרב אליך את אהרן אחיך ואת בניו אתו מתוך בני ישראל לכהנו לי אהרן נדב ואביהוא אלעזר ואיתמר בני אהרן׃

  10. שְׁמֹות כ״ח:ט׳

    ולקחת את שתי אבני שהם ופתחת עליהם שמות בני ישראל׃

  11. שְׁמֹות כ״ח:י״א

    מעשה חרש אבן פתוחי חתם תפתח את שתי האבנים על שמת בני ישראל מסבת משבצות זהב תעשה אתם׃

  12. שְׁמֹות כ״ח:י״ב

    ושמת את שתי האבנים על כתפת האפד אבני זכרן לבני ישראל ונשא אהרן את שמותם לפני יהוה על שתי כתפיו לזכרן׃

  13. שְׁמֹות כ״ח:כ״א

    והאבנים תהיין על שמת בני ישראל שתים עשרה על שמתם פתוחי חותם איש על שמו תהיין לשני עשר שבט׃

  14. שְׁמֹות כ״ח:כ״ט

    ונשא אהרן את שמות בני ישראל בחשן המשפט על לבו בבאו אל הקדש לזכרן לפני יהוה תמיד׃

  15. שְׁמֹות כ״ח:ל׳

    ונתת אל חשן המשפט את האורים ואת התמים והיו על לב אהרן בבאו לפני יהוה ונשא אהרן את משפט בני ישראל על לבו לפני יהוה תמיד׃

  16. שְׁמֹות כ״ח:ל״ח

    והיה על מצח אהרן ונשא אהרן את עון הקדשים אשר יקדישו בני ישראל לכל מתנת קדשיהם והיה על מצחו תמיד לרצון להם לפני יהוה׃

  17. שְׁמֹות כ״ט:כ״ח

    והיה לאהרן ולבניו לחק עולם מאת בני ישראל כי תרומה הוא ותרומה יהיה מאת בני ישראל מזבחי שלמיהם תרומתם ליהוה׃

  18. שְׁמֹות כ״ט:מ״ג

    ונעדתי שמה לבני ישראל ונקדש בכבדי׃

  19. שְׁמֹות כ״ט:מ״ה

    ושכנתי בתוך בני ישראל והייתי להם לאלהים׃

  20. שְׁמֹות ל׳:י״ב

    כי תשא את ראש בני ישראל לפקדיהם ונתנו איש כפר נפשו ליהוה בפקד אתם ולא יהיה בהם נגף בפקד אתם׃

  21. שְׁמֹות ל׳:ט״ז

    ולקחת את כסף הכפרים מאת בני ישראל ונתת אתו על עבדת אהל מועד והיה לבני ישראל לזכרון לפני יהוה לכפר על נפשתיכם׃

  22. שְׁמֹות ל׳:ל״א

    ואל בני ישראל תדבר לאמר שמן משחת קדש יהיה זה לי לדרתיכם׃

  23. שְׁמֹות ל״א:י״ג

    ואתה דבר אל בני ישראל לאמר אך את שבתתי תשמרו כי אות הוא ביני וביניכם לדרתיכם לדעת כי אני יהוה מקדשכם׃

  24. שְׁמֹות ל״א:ט״ז

    ושמרו בני ישראל את השבת לעשות את השבת לדרתם ברית עולם׃

  25. שְׁמֹות ל״א:י״ז

    ביני ובין בני ישראל אות הוא לעלם כי ששת ימים עשה יהוה את השמים ואת הארץ וביום השביעי שבת וינפש׃