God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות ג׳:י״ג

    ויאמר משה אל האלהים הנה אנכי בא אל בני ישראל ואמרתי להם אלהי אבותיכם שלחני אליכם ואמרו לי מה שמו מה אמר אלהם׃

  2. שְׁמֹות ג׳:י״ד

    ויאמר אלהים אל משה אהיה אשר אהיה ויאמר כה תאמר לבני ישראל אהיה שלחני אליכם׃

  3. שְׁמֹות ג׳:ט״ו

    ויאמר עוד אלהים אל משה כה תאמר אל בני ישראל יהוה אלהי אבתיכם אלהי אברהם אלהי יצחק ואלהי יעקב שלחני אליכם זה שמי לעלם וזה זכרי לדר דר׃

  4. שְׁמֹות ג׳:ט״ז

    לך ואספת את זקני ישראל ואמרת אלהם יהוה אלהי אבתיכם נראה אלי אלהי אברהם יצחק ויעקב לאמר פקד פקדתי אתכם ואת העשוי לכם במצרים׃

  5. שְׁמֹות ג׳:י״ז

    ואמר אעלה אתכם מעני מצרים אל ארץ הכנעני והחתי והאמרי והפרזי והחוי והיבוסי אל ארץ זבת חלב ודבש׃

  6. שְׁמֹות ג׳:י״ח

    ושמעו לקלך ובאת אתה וזקני ישראל אל מלך מצרים ואמרתם אליו יהוה אלהי העבריים נקרה עלינו ועתה נלכה נא דרך שלשת ימים במדבר ונזבחה ליהוה אלהינו׃

  7. שְׁמֹות ג׳:י״ט

    ואני ידעתי כי לא יתן אתכם מלך מצרים להלך ולא ביד חזקה׃

  8. שְׁמֹות ג׳:כ׳

    ושלחתי את ידי והכיתי את מצרים בכל נפלאתי אשר אעשה בקרבו ואחרי כן ישלח אתכם׃

  9. שְׁמֹות ג׳:כ״א

    ונתתי את חן העם הזה בעיני מצרים והיה כי תלכון לא תלכו ריקם׃

  10. שְׁמֹות ד׳:א׳

    ¶ ויען משה ויאמר והן לא יאמינו לי ולא ישמעו בקלי כי יאמרו לא נראה אליך יהוה׃

  11. שְׁמֹות ד׳:ב׳

    ויאמר אליו יהוה מזה בידך ויאמר מטה׃

  12. שְׁמֹות ד׳:ג׳

    ויאמר השליכהו ארצה וישליכהו ארצה ויהי לנחש וינס משה מפניו׃

  13. שְׁמֹות ד׳:ד׳

    ויאמר יהוה אל משה שלח ידך ואחז בזנבו וישלח ידו ויחזק בו ויהי למטה בכפו׃

  14. שְׁמֹות ד׳:ה׳

    למען יאמינו כי נראה אליך יהוה אלהי אבתם אלהי אברהם אלהי יצחק ואלהי יעקב׃

  15. שְׁמֹות ד׳:ו׳

    ויאמר יהוה לו עוד הבא נא ידך בחיקך ויבא ידו בחיקו ויוצאה והנה ידו מצרעת כשלג׃

  16. שְׁמֹות ד׳:ז׳

    ויאמר השב ידך אל חיקך וישב ידו אל חיקו ויוצאה מחיקו והנה שבה כבשרו׃

  17. שְׁמֹות ד׳:י׳

    ויאמר משה אל יהוה בי אדני לא איש דברים אנכי גם מתמול גם משלשם גם מאז דברך אל עבדך כי כבד פה וכבד לשון אנכי׃

  18. שְׁמֹות ד׳:י״א

    ויאמר יהוה אליו מי שם פה לאדם או מי ישום אלם או חרש או פקח או עור הלא אנכי יהוה׃

  19. שְׁמֹות ד׳:י״ב

    ועתה לך ואנכי אהיה עם פיך והוריתיך אשר תדבר׃

  20. שְׁמֹות ד׳:י״ג

    ויאמר בי אדני שלח נא ביד תשלח׃

  21. שְׁמֹות ד׳:י״ד

    ויחר אף יהוה במשה ויאמר הלא אהרן אחיך הלוי ידעתי כי דבר ידבר הוא וגם הנה הוא יצא לקראתך וראך ושמח בלבו׃

  22. שְׁמֹות ד׳:ט״ו

    ודברת אליו ושמת את הדברים בפיו ואנכי אהיה עם פיך ועם פיהו והוריתי אתכם את אשר תעשון׃

  23. שְׁמֹות ד׳:ט״ז

    ודבר הוא לך אל העם והיה הוא יהיה לך לפה ואתה תהיה לו לאלהים׃

  24. שְׁמֹות ד׳:י״ט

    ויאמר יהוה אל משה במדין לך שב מצרים כי מתו כל האנשים המבקשים את נפשך׃

  25. שְׁמֹות ד׳:כ׳

    ויקח משה את אשתו ואת בניו וירכבם על החמר וישב ארצה מצרים ויקח משה את מטה האלהים בידו׃