Select Readings बद्दल बायबलमधील वचने: In captivity

9 वचने · 47 पैलू

In captivity बद्दल वचने

स्तोत्रसंहिता १३७:१
आम्ही बाबेलच्या नदीकाठावर बसलो आणि सीयोनाची आठवण करीत रडलो.
स्तोत्रसंहिता १३७:२
आम्ही आमच्या वीणा वाळुंजाच्या फांद्यावर टांगल्या,
स्तोत्रसंहिता १३७:३
कारण आम्हाला कैद करणाऱ्यांनी आम्हाला गात गाण्यास सांगितले, आमचा छळ करणार्‍यांनी आनंद गीते गाण्याची मागणी केली, ते म्हणाले, “आमच्या करमणुकी करिता सीयोनाचे एखादे गीत गाऊन दाखवा!”
स्तोत्रसंहिता १३७:४
या परदेशात आमच्या याहवेहचे स्तवनगीत गाणे आम्हाला कसे शक्य आहे?
स्तोत्रसंहिता १३७:५
हे यरुशलेम, मी तुला विसरलो, तर माझा उजवा हात त्याचे कौशल्य विसरो;
स्तोत्रसंहिता १३७:६
जर मी यरुशलेमला माझा सर्वोच्च आनंद मानत नसेन, तर माझी जीभ माझ्या टाळूला चिकटो.
स्तोत्रसंहिता १३७:७
हे याहवेह, माझ्या देवा, यरुशलेमचा पाडाव झाला त्या दिवशी एदोमाच्या वंशजांनी काय केले याचे स्मरण करा. ते आरोळ्या मारत होते, “तिला जमीनदोस्त करा, तिचा पाया देखील ढासळून टाका.”
स्तोत्रसंहिता १३७:८
अगे बाबेलच्या कन्ये, तुझा नाश निश्चित आहे; तू जसा आमचा नाश केलास, तसा तुझी परतफेड करणारा धन्य होईल.
स्तोत्रसंहिता १३७:९
जो तुझी तान्ही बालके घेऊन, त्यांना खडकावर आपटेल, तो धन्य!