פסוקים על Women

304 פסוקים · 47 היבטים

פסוקי מפתח

סינון לפי ספר
  1. מִשְׁלֵי ז׳:ט״ז

    מרבדים רבדתי ערשי חטבות אטון מצרים׃

  2. מִשְׁלֵי ז׳:י״ז

    נפתי משכבי מר אהלים וקנמון׃

  3. מִשְׁלֵי ז׳:י״ח

    לכה נרוה דדים עד הבקר נתעלסה באהבים׃

  4. מִשְׁלֵי ז׳:י״ט

    כי אין האיש בביתו הלך בדרך מרחוק׃

  5. מִשְׁלֵי ז׳:כ׳

    צרור הכסף לקח בידו ליום הכסא יבא ביתו׃

  6. מִשְׁלֵי ז׳:כ״א

    הטתו ברב לקחה בחלק שפתיה תדיחנו׃

  7. מִשְׁלֵי ז׳:כ״ב

    הולך אחריה פתאם כשור אל טבח יבוא וכעכס אל מוסר אויל׃

  8. מִשְׁלֵי ז׳:כ״ג

    עד יפלח חץ כבדו כמהר צפור אל פח ולא ידע כי בנפשו הוא׃

  9. מִשְׁלֵי ז׳:כ״ד

    ועתה בנים שמעו לי והקשיבו לאמרי פי׃

  10. מִשְׁלֵי ז׳:כ״ה

    אל ישט אל דרכיה לבך אל תתע בנתיבותיה׃

  11. מִשְׁלֵי ז׳:כ״ו

    כי רבים חללים הפילה ועצמים כל הרגיה׃

  12. מִשְׁלֵי ז׳:כ״ז

    דרכי שאול ביתה ירדות אל חדרי מות׃

  13. מִשְׁלֵי י״א:ט״ז

    אשת חן תתמך כבוד ועריצים יתמכו עשר׃

  14. מִשְׁלֵי י״א:כ״ב

    נזם זהב באף חזיר אשה יפה וסרת טעם׃

  15. מִשְׁלֵי י״ב:ד׳

    אשת חיל עטרת בעלה וכרקב בעצמותיו מבישה׃

  16. מִשְׁלֵי י״ד:א׳

    ¶ חכמות נשים בנתה ביתה ואולת בידיה תהרסנו׃

  17. מִשְׁלֵי י״ח:כ״ב

    מצא אשה מצא טוב ויפק רצון מיהוה׃

  18. מִשְׁלֵי י״ט:י״ג

    הות לאביו בן כסיל ודלף טרד מדיני אשה׃

  19. מִשְׁלֵי י״ט:י״ד

    בית והון נחלת אבות ומיהוה אשה משכלת׃

  20. מִשְׁלֵי כ״א:ט׳

    טוב לשבת על פנת גג מאשת מדונים ובית חבר׃

  21. מִשְׁלֵי כ״א:י״ט

    טוב שבת בארץ מדבר מאשת מדונים וכעס׃

  22. מִשְׁלֵי כ״ה:כ״ד

    טוב שבת על פנת גג מאשת מדונים ובית חבר׃

  23. מִשְׁלֵי כ״ז:ט״ו

    דלף טורד ביום סגריר ואשת מדונים נשתוה׃

  24. מִשְׁלֵי כ״ז:ט״ז

    צפניה צפן רוח ושמן ימינו יקרא׃

  25. מִשְׁלֵי ל׳:כ״א

    תחת שלוש רגזה ארץ ותחת ארבע לא תוכל שאת׃