פסוקים על Wicked

סר סבאם הזנה הזנו אהבו הבו קלון מגניה׃

צרר רוח אותה בכנפיה ויבשו מזבחותם׃

בצאנם ובבקרם ילכו לבקש את יהוה ולא ימצאו חלץ מהם׃

ברעתם ישמחו מלך ובכחשיהם שרים׃

אכלו זרים כחו והוא לא ידע גם שיבה זרקה בו והוא לא ידע׃

כענבים במדבר מצאתי ישראל כבכורה בתאנה בראשיתה ראיתי אבותיכם המה באו בעל פעור וינזרו לבשת ויהיו שקוצים כאהבם׃

צרור עון אפרים צפונה חטאתו׃

שנאו בשער מוכיח ודבר תמים יתעבו׃

¶ ואמר שמעו נא ראשי יעקב וקציני בית ישראל הלוא לכם לדעת את המשפט׃

שנאי טוב ואהבי רעה גזלי עורם מעליהם ושארם מעל עצמותם׃

אז יזעקו אל יהוה ולא יענה אותם ויסתר פניו מהם בעת ההיא כאשר הרעו מעלליהם׃

אבד חסיד מן הארץ וישר באדם אין כלם לדמים יארבו איש את אחיהו יצודו חרם׃

על הרע כפים להיטיב השר שאל והשפט בשלום והגדול דבר הות נפשו הוא ויעבתוה׃

טובם כחדק ישר ממסוכה יום מצפיך פקדתך באה עתה תהיה מבוכתם׃

למה תראני און ועמל תביט ושד וחמס לנגדי ויהי ריב ומדון ישא׃

על כן תפוג תורה ולא יצא לנצח משפט כי רשע מכתיר את הצדיק על כן יצא משפט מעקל׃

טהור עינים מראות רע והביט אל עמל לא תוכל למה תביט בוגדים תחריש בבלע רשע צדיק ממנו׃

ותעשה אדם כדגי הים כרמש לא משל בו׃

כלה בחכה העלה יגרהו בחרמו ויאספהו במכמרתו על כן ישמח ויגיל׃

על כן יזבח לחרמו ויקטר למכמרתו כי בהמה שמן חלקו ומאכלו בראה׃

העל כן יריק חרמו ותמיד להרג גוים לא יחמול׃

¶ התקוששו וקושו הגוי לא נכסף׃

בטרם לדת חק כמץ עבר יום בטרם לא יבוא עליכם חרון אף יהוה בטרם לא יבוא עליכם יום אף יהוה׃

יהוה צדיק בקרבה לא יעשה עולה בבקר בבקר משפטו יתן לאור לא נעדר ולא יודע עול בשת׃

אמרתי אך תיראי אותי תקחי מוסר ולא יכרת מעונה כל אשר פקדתי עליה אכן השכימו השחיתו כל עלילותם׃