פסוקים על Servants

אשר ימצא אתו מעבדיך ומת וגם אנחנו נהיה לאדני לעבדים׃

הירא את דבר יהוה מעבדי פרעה הניס את עבדיו ואת מקנהו אל הבתים׃

וירדו כל עבדיך אלה אלי והשתחוו לי לאמר צא אתה וכל העם אשר ברגליך ואחרי כן אצא ויצא מעם פרעה בחרי אף׃

וכל עבד איש מקנת כסף ומלתה אתו אז יאכל בו׃

תושב ושכיר לא יאכל בו׃

ויום השביעי שבת ליהוה אלהיך לא תעשה כל מלאכה אתה ובנך ובתך עבדך ואמתך ובהמתך וגרך אשר בשעריך׃

לא תחמד בית רעך לא תחמד אשת רעך ועבדו ואמתו ושורו וחמרו וכל אשר לרעך׃

כי תקנה עבד עברי שש שנים יעבד ובשבעת יצא לחפשי חנם׃

אם בגפו יבא בגפו יצא אם בעל אשה הוא ויצאה אשתו עמו׃

אם אדניו יתן לו אשה וילדה לו בנים או בנות האשה וילדיה תהיה לאדניה והוא יצא בגפו׃

ואם אמר יאמר העבד אהבתי את אדני את אשתי ואת בני לא אצא חפשי׃

והגישו אדניו אל האלהים והגישו אל הדלת או אל המזוזה ורצע אדניו את אזנו במרצע ועבדו לעלם׃

וכי ימכר איש את בתו לאמה לא תצא כצאת העבדים׃

אם רעה בעיני אדניה אשר לא יעדה והפדה לעם נכרי לא ימשל למכרה בבגדו בה׃

ואם לבנו ייעדנה כמשפט הבנות יעשה לה׃

אם אחרת יקח לו שארה כסותה וענתה לא יגרע׃

ואם שלש אלה לא יעשה לה ויצאה חנם אין כסף׃

וגנב איש ומכרו ונמצא בידו מות יומת׃

וכי יכה איש את עבדו או את אמתו בשבט ומת תחת ידו נקם ינקם׃

אך אם יום או יומים יעמד לא יקם כי כספו הוא׃

וכי יכה איש את עין עבדו או את עין אמתו ושחתה לחפשי ישלחנו תחת עינו׃

ואם שן עבדו או שן אמתו יפיל לחפשי ישלחנו תחת שנו׃

אם עבד יגח השור או אמה כסף שלשים שקלים יתן לאדניו והשור יסקל׃

אם זרחה השמש עליו דמים לו שלם ישלם אם אין לו ונמכר בגנבתו׃

לא תעשק את רעך ולא תגזל לא תלין פעלת שכיר אתך עד בקר׃