פסוקים על Servants: Laws respecting, often violated

9 פסוקים · 147 היבטים

פסוקים על Laws respecting, often violated

יִרְמְיָהוּ ל״ד:ח׳
הדבר אשר היה אל ירמיהו מאת יהוה אחרי כרת המלך צדקיהו ברית את כל העם אשר בירושלם לקרא להם דרור׃
יִרְמְיָהוּ ל״ד:ט׳
לשלח איש את עבדו ואיש את שפחתו העברי והעבריה חפשים לבלתי עבד בם ביהודי אחיהו איש׃
יִרְמְיָהוּ ל״ד:י׳
וישמעו כל השרים וכל העם אשר באו בברית לשלח איש את עבדו ואיש את שפחתו חפשים לבלתי עבד בם עוד וישמעו וישלחו׃
יִרְמְיָהוּ ל״ד:י״א
וישובו אחרי כן וישבו את העבדים ואת השפחות אשר שלחו חפשים ויכבישום לעבדים ולשפחות׃
יִרְמְיָהוּ ל״ד:י״ב
ויהי דבר יהוה אל ירמיהו מאת יהוה לאמר׃
יִרְמְיָהוּ ל״ד:י״ג
כה אמר יהוה אלהי ישראל אנכי כרתי ברית את אבותיכם ביום הוצאי אותם מארץ מצרים מבית עבדים לאמר׃
יִרְמְיָהוּ ל״ד:י״ד
מקץ שבע שנים תשלחו איש את אחיו העברי אשר ימכר לך ועבדך שש שנים ושלחתו חפשי מעמך ולא שמעו אבותיכם אלי ולא הטו את אזנם׃
יִרְמְיָהוּ ל״ד:ט״ו
ותשבו אתם היום ותעשו את הישר בעיני לקרא דרור איש לרעהו ותכרתו ברית לפני בבית אשר נקרא שמי עליו׃
יִרְמְיָהוּ ל״ד:ט״ז
ותשבו ותחללו את שמי ותשבו איש את עבדו ואיש את שפחתו אשר שלחתם חפשים לנפשם ותכבשו אתם להיות לכם לעבדים ולשפחות׃