פסוקים על Seekers

ראו ענוים ישמחו דרשי אלהים ויחי לבבכם׃

ישישו וישמחו בך כל מבקשיך ויאמרו תמיד יגדל אלהים אהבי ישועתך׃

ואני עני ואביון אלהים חושה לי עזרי ומפלטי אתה יהוה אל תאחר׃

¶ למנצח על ידיתון לאסף מזמור קולי אל אלהים ואצעקה קולי אל אלהים והאזין אלי׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

אזכרה אלהים ואהמיה אשיחה ותתעטף רוחי סלה׃

אחזת שמרות עיני נפעמתי ולא אדבר׃

חשבתי ימים מקדם שנות עולמים׃

אזכרה נגינתי בלילה עם לבבי אשיחה ויחפש רוחי׃

הלעולמים יזנח אדני ולא יסיף לרצות עוד׃

האפס לנצח חסדו גמר אמר לדר ודר׃

השכח חנות אל אם קפץ באף רחמיו סלה׃

אם הרגם ודרשוהו ושבו ושחרו אל׃

אנכי יהוה אלהיך המעלך מארץ מצרים הרחב פיך ואמלאהו׃

מלא פניהם קלון ויבקשו שמך יהוה׃

נכספה וגם כלתה נפשי לחצרות יהוה לבי ובשרי ירננו אל אל חי׃

דרשו יהוה ועזו בקשו פניו תמיד׃

אשרי נצרי עדתיו בכל לב ידרשוהו׃

בכל לבי דרשתיך אל תשגני ממצותיך׃

קויתי יהוה קותה נפשי ולדברו הוחלתי׃

נפשי לאדני משמרים לבקר שמרים לבקר׃

פרשתי ידי אליך נפשי כארץ עיפה לך סלה׃

קרוב יהוה לכל קראיו לכל אשר יקראהו באמת׃

רצון יראיו יעשה ואת שועתם ישמע ויושיעם׃

כי אם לבינה תקרא לתבונה תתן קולך׃