פסוקים על Prayer Under Affliction

אל תשליכני מלפניך ורוח קדשך אל תקח ממני׃

השיבה לי ששון ישעך ורוח נדיבה תסמכני׃

ואני עני וכואב ישועתך אלהים תשגבני׃

אל תזכר לנו עונת ראשנים מהר יקדמונו רחמיך כי דלונו מאד׃

אלהים צבאות השיבנו והאר פניך ונושעה׃

שובנו אלהי ישענו והפר כעסך עמנו׃

הלעולם תאנף בנו תמשך אפך לדר ודר׃

הלא אתה תשוב תחינו ועמך ישמחו בך׃

שבענו בבקר חסדך ונרננה ונשמחה בכל ימינו׃

שמחנו כימות עניתנו שנות ראינו רעה׃

אל תסתר פניך ממני ביום צר לי הטה אלי אזנך ביום אקרא מהר ענני׃

יהי נא חסדך לנחמני כאמרתך לעבדך׃

למדני לעשות רצונך כי אתה אלוהי רוחך טובה תנחני בארץ מישור׃

למען שמך יהוה תחיני בצדקתך תוציא מצרה נפשי׃

אל תקצף יהוה עד מאד ואל לעד תזכר עון הן הבט נא עמך כלנו׃

ערי קדשך היו מדבר ציון מדבר היתה ירושלם שממה׃

בית קדשנו ותפארתנו אשר הללוך אבתינו היה לשרפת אש וכל מחמדינו היה לחרבה׃

העל אלה תתאפק יהוה תחשה ותעננו עד מאד׃

רפאני יהוה וארפא הושיעני ואושעה כי תהלתי אתה׃

שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃

¶ זכר יהוה מה היה לנו הביט וראה את חרפתנו׃

יהוה שמעתי שמעך יראתי יהוה פעלך בקרב שנים חייהו בקרב שנים תודיע ברגז רחם תזכור׃

ויתן אבי הילד את קלו בבכי ויאמר אני מאמין עזר נא לחסרון אמונתי׃

כי יצר לאיש בכם הוא יתפלל ואשר ייטב לבו הוא יזמר׃