פסוקים על Peter

292 פסוקים · 35 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים ב׳:ל״ו

    לכן ידע נא בית ישראל כלו כי לאדון ולמשיח שמו האלהים את ישוע זה אשר צלבתם׃

  2. מַעֲשֵׂי הַשְּׁלִיחִים ב׳:ל״ז

    ויהי כשמעם התעצבו אל לבם ויאמרו אל פטרוס ואל שאר השליחים אנשים אחים מה עלינו לעשות׃

  3. מַעֲשֵׂי הַשְּׁלִיחִים ב׳:ל״ח

    ויאמר פטרוס אליהם שובו מדרכיכם והטבלו כל איש מכם על שם ישוע המשיח לסליחת חטאיכם וקבלתם את מתנת רוח הקדש׃

  4. מַעֲשֵׂי הַשְּׁלִיחִים ב׳:ל״ט

    כי לכם ההבטחה ולבניכם ולכל הרחוקים לכל אשר קרא יהוה אלהינו׃

  5. מַעֲשֵׂי הַשְּׁלִיחִים ב׳:מ׳

    ויעד עוד בהם באמרים אחרים הרבה ויזהר אתם לאמר המלטו נא מדור תהפכות הזה׃

  6. מַעֲשֵׂי הַשְּׁלִיחִים ד׳:א׳

    ¶ ויהי בדברם אל העם ויקומו עליהם הכהנים ונגיד בית המקדש והצדוקים׃

  7. מַעֲשֵׂי הַשְּׁלִיחִים ד׳:ב׳

    כי חרה להם על אשר למדו את העם והגידו בישוע את תחית המתים׃

  8. מַעֲשֵׂי הַשְּׁלִיחִים ד׳:ג׳

    וישלחו בהם את ידיהם וישימום במשמר עד למחר כי כבר בא הערב׃

  9. מַעֲשֵׂי הַשְּׁלִיחִים ד׳:ד׳

    ורבים מהשמעים את הדבר האמינו ויהי מספר האנשים כחמשת אלפים׃

  10. מַעֲשֵׂי הַשְּׁלִיחִים ד׳:ה׳

    ויהי ממחרת ויקהלו שריהם ראשיהם וזקניהם וסופריהם ירושלים׃

  11. מַעֲשֵׂי הַשְּׁלִיחִים ד׳:ו׳

    וחנן הכהן הגדול וקיפא ויוחנן ואלכסנדרוס וכל אשר ממשפחת הכהן הגדול׃

  12. מַעֲשֵׂי הַשְּׁלִיחִים ד׳:ז׳

    ויעמידו אתם בתוך וישאלום באי זה כח ובאי זה שם עשיתם זאת׃

  13. מַעֲשֵׂי הַשְּׁלִיחִים ד׳:ח׳

    וימלא פטרוס רוח הקדש ויאמר אליהם אתם ראשי העם וזקני ישראל׃

  14. מַעֲשֵׂי הַשְּׁלִיחִים ד׳:ט׳

    אם אנחנו נחקרים היום על הטובה אשר עשינו לאיש חולה ושאלתם במה זה נושע׃

  15. מַעֲשֵׂי הַשְּׁלִיחִים ד׳:י׳

    יודע לכלכם ולכל עם ישראל כי בשם ישוע המשיח הנצרי אשר צלבתם אותו ואשר האלהים הקימו מן המתים כי בשמו עמד זה לפניכם בריא׃

  16. מַעֲשֵׂי הַשְּׁלִיחִים ד׳:י״א

    והוא האבן אשר מאסתם אתם הבונים ותהי לראש פנה׃

  17. מַעֲשֵׂי הַשְּׁלִיחִים ד׳:י״ב

    ואין הישועה באחר ואין תחת השמים שם אחר הנתן לבני אדם אשר בו נושע׃

  18. מַעֲשֵׂי הַשְּׁלִיחִים ד׳:י״ג

    ויהי כאשר ראו את בטחון לב של פטרוס ויוחנן והבינו כי הדיוטים ולא בעלי חכמה המה ויתמהו עליהם ויכירום כי התהלכו עם ישוע׃

  19. מַעֲשֵׂי הַשְּׁלִיחִים ד׳:י״ד

    ובראותם את האיש הנרפא עמד אצלם לא מצאו לדבר נגדם דבר׃

  20. מַעֲשֵׂי הַשְּׁלִיחִים ד׳:ט״ו

    ויצוו אתם לצאת חוצה מן הסנהדרין ויתיעצו יחדו׃

  21. מַעֲשֵׂי הַשְּׁלִיחִים ד׳:ט״ז

    ויאמרו מה נעשה לאנשים האלה הנה אות גלוי נעשה על ידיהם וגם מפרסם לכל ישבי ירושלים ולא נוכל לכחש בו׃

  22. מַעֲשֵׂי הַשְּׁלִיחִים ד׳:י״ז

    אך למען לא ירבה הדבר בעם ויפרץ נזהירה אתם בגערה לבלתי דבר עוד לכל אדם בשם הזה׃

  23. מַעֲשֵׂי הַשְּׁלִיחִים ד׳:י״ח

    ויקראו אתם ויצוום אשר לא ידברו דבר ולא ילמדו בשם ישוע׃

  24. מַעֲשֵׂי הַשְּׁלִיחִים ד׳:י״ט

    ויענו פטרוס ויוחנן ויאמרו אליהם הנכון הוא לפני האלהים שמע לכם יתר משמע לאלהים שפטו אתם׃

  25. מַעֲשֵׂי הַשְּׁלִיחִים ד׳:כ׳

    כי לא נוכל אנחנו לחדל מדבר את אשר ראינו ושמענו׃