פסוקים על Paul

619 פסוקים · 103 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים כ״ח:ט״ו

    וישמעו האחים את בואנו ויצאו משם לקראתנו עד לשוק אפיוס ועד לשלשת החניות וירא אתם פולוס ויודה לאלהים ויתחזק׃

  2. מַעֲשֵׂי הַשְּׁלִיחִים כ״ח:ט״ז

    ואחר באנו אל רומי העביר שר המאה את האסירים אל שר הצבא ולפולוס הניחו לשבת לבדו עם איש הצבא השמר אותו׃

  3. מַעֲשֵׂי הַשְּׁלִיחִים כ״ח:י״ז

    ויהי אחרי שלשת ימים ויקרא פולוס אליו את ראשי היהודים ויקהלו אליו ויאמר אליהם אנשים אחים אף כי לא מעלתי מעל בעמנו ובחקות אבותינו אסרוני בירושלים וימסרוני לידי הרומיים׃

  4. מַעֲשֵׂי הַשְּׁלִיחִים כ״ח:י״ח

    והם אחרי חקרם אתי אמרו לפטרני כי לא נמצא בי משפט מות׃

  5. מַעֲשֵׂי הַשְּׁלִיחִים כ״ח:י״ט

    והיהודים קמו בי ואאנס לקרא את הקיסר לדיני אך אין נפשי לשטון את עמי בדבר׃

  6. מַעֲשֵׂי הַשְּׁלִיחִים כ״ח:כ׳

    ובעבור זאת קראתי לכם לראותכם ולדבר עמכם כי בגלל תקות ישראל אסור אני בכבל הזה׃

  7. מַעֲשֵׂי הַשְּׁלִיחִים כ״ח:כ״א

    ויאמרו אליו לא קבלנו על אדותיך אגרות מארץ יהודה ולא בא הנה אחד מן האחים אשר הגיד או דבר עליך דבר רע׃

  8. מַעֲשֵׂי הַשְּׁלִיחִים כ״ח:כ״ב

    אמנם חפצים אנחנו לשמע את אשר בלבבך כי נודע לנו אשר בכל מקום יריבו אל הכת הזאת׃

  9. מַעֲשֵׂי הַשְּׁלִיחִים כ״ח:כ״ג

    וישימו לו יום מועד ויבאו אליו רבים אל מלונו ויעד בהם ויבאר את מלכות אלהים ויוכח להם עניני ישוע מתורת משה ומן הנביאים מבקר עד ערב׃

  10. מַעֲשֵׂי הַשְּׁלִיחִים כ״ח:כ״ד

    ויש אשר שמעו אל דבריו ויש אשר לא האמינו׃

  11. מַעֲשֵׂי הַשְּׁלִיחִים כ״ח:כ״ה

    ויחלקו בדעתם ויסורו ללכת לדרכם בדבר פולוס הדבר האחד הזה היטב דבר רוח הקדש לאבותינו בפי ישעיהו הנביא לאמר׃

  12. מַעֲשֵׂי הַשְּׁלִיחִים כ״ח:כ״ו

    לך ואמרת לעם הזה שמעו שמוע ואל תבינו וראו ראו ואל תדעו׃

  13. מַעֲשֵׂי הַשְּׁלִיחִים כ״ח:כ״ז

    כי שמן לב העם הזה ואזניו כבדו ואת עיניו השע פן יראה בעיניו ובאזניו ישמע ולבבו יבין ושב ורפאתיו׃

  14. מַעֲשֵׂי הַשְּׁלִיחִים כ״ח:כ״ח

    לכן דעו כי לגוים נשלחה תשועת אלהים והמה ישמעו׃

  15. מַעֲשֵׂי הַשְּׁלִיחִים כ״ח:כ״ט

    ויהי בדברו זאת הלכו מאתו היהודים ויתוכחו הרבה איש עם רעהו׃

  16. מַעֲשֵׂי הַשְּׁלִיחִים כ״ח:ל׳

    ופולוס ישב שנתים ימים בביתו אשר שכר לו ויקבל את כל הבאים אליו׃

  17. מַעֲשֵׂי הַשְּׁלִיחִים כ״ח:ל״א

    ויקרא את מלכות האלהים וילמד את דרכי ישוע המשיח אדנינו בכל בטחון לבו ואין מנע׃

  18. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים א׳:א׳

    ¶ פולוס עבד ישוע המשיח מקרא להיות שליח ונבדל לבשורת אלהים׃

  19. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים ח׳:ל״ה

    מי יפרידנו מאהבת המשיח הצרה או מצוקה או משטמה או רעב אם עריה או סכנה או חרב׃

  20. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים ח׳:ל״ו

    ככתוב כי עליך הרגנו כל היום נחשבנו כצאן טבחה׃

  21. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים ח׳:ל״ז

    אבל בכל אלה גברנו מאד על ידי האהב אתנו׃

  22. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים י״א:א׳

    ¶ ובכן אמר אני הכי זנח האלהים את עמו חלילה כי גם אנכי בן ישראל מזרע אברהם למטה בנימן׃

  23. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים י״א:י״ג

    כי אליכם הגוים אני מדבר וכפי אשר שליח הגוים אנכי את שרותי אפאר׃

  24. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים ט״ו:ט״ז

    להיותי משרת ישוע המשיח לגוים ולכהן בבשורת האלהים למען יהיה קרבן הגוים רצוי ומקדש ברוח הקדש׃

  25. אִגֶּרֶת פּוֹלוֹס הָרִאשׁוֹנָה אֶל־הַקּוֹרִנְתִּיִּים א׳:א׳

    ¶ פולוס המקרא להיות שליח ישוע המשיח ברצון אלהים וסוסתניס אחינו׃